بەروار : 2014-02-01
بەیاننامەی ڕێکخراوی تاکۆ بۆ پرسە دەروونی و کۆمەلایەتییەکان لەبارەی دواخستنی مووچەی توێژەران و مامۆستایان و کارمەندان
رێکخراوی تاکۆ: لەسەروبەندی دەرهێنان و هەناردەی نەوتی کوردستاندا چاوەروانمان دەکرد مووچەی توێژەکان زیادبکات نەک دوابخرێت
ئێستا فەرمانبەرانی حکومەتی هەرێمی کوردستان بە قۆناغێکی نائاساییدا تێدەپەرن، سەرەڕای بەجێهینانی ئەرکەکانیان کەچی لەلایەن حکومەتی هەرێمەوە مافەکانیان پێ نادرێت یان دوادەخرێت، کەئەوەش بێڕێزییە بەرامبەر بەهەموو کارمەندان.
ئێمە و خەڵکی کوردستانیش چاوەروانمان دەکرد، بە دەرهێنان و ناردنەدەرەوەی نەوتی کوردستان، ژیانمان باشتربێت و مووچەکانمان زیاتر بکرێت، کەچی تازە حکومەتی هەرێم چاوەڕوانی حکومەتی بەغدایە، بۆئەوەی مووچەی فەرمانبەرانی بۆ بنێریت؟
ئێمە باوەڕمان وایە دواکەوتنی لەوە زیاتری موچەی فەرمانبەران، کێشەی ئابووری زۆری لێدەکەوێتەوەو دواجار سەردەکێشێ بۆ کێشەی کۆمەڵایەتی و خێزانی و تاکەکانی ئێمە بەهۆی نەبوونی سەرچاوەی تری بژێوی دەکەوێتە بارێکی نالەباری دەروونی، هەر لەم سۆنگەیەوە داواکارین ئەمە دووایەمینجار ئەم حکومەتە بێت کە هەقی کاری فەرمانبەرەکانی دوابخات لەوە زیاتر کێشە بۆ تاک و هاووڵاتیانی ئەم هەرێمە زیاتر بکات، چونکە خەڵکی کوردستان لەوە زیاتر چاوەڕوانی دواکەوتنی مووچەکەی ناکات و هەڵوێستی توندی دەبێت، بۆیە داواکارین ئەم حکومەتە لەوە زیاتر قەیران و کێشە نەخوڵقێنێت.
بۆ زانیاری زیاتر پەیوەندی بکەن
لەتیف حسێن بە بەرپرسی ڕێکخراوی تاکۆ بۆ پرسە دەروونی و کۆمەلایەتییەکان
07701572542