هێزەکانی ڕزگاری #عەفرین# ڕایانگەیاند لە چالاکیی #شەڕڤان#انیاندا لە عەفرین، شێراوا و عەزاز، شەش چەتەی دەوڵەتی داگیرکەری تورک کوژراون و پێنجی دیکەش برینداربوون.
ئەمرۆ هێزەکانی ڕزگاری عەفرین لەسەر چالاکیی هێزەکانی لە ناوچە داگیرکراوەکانی هەرێمی عەفرین، دژی سوپای داگیرکەری تورک و چەتەکانی ڕاگەیەندراوێکی بڵاوکردەوە.
لە ڕاگەیەندراوەکەدا هاتووە: ڕۆژی 15ی ئەم مانگە، هێزەکانمان لە دەوروبەری گوندی کەفەر نەبۆ سەربە ناوچەی شێراوا دژی چەتەکانی سوپای داگیرکەری تورک چالاکییان ئەنجامدا، لەو چالاکییدا دوو چەتە کوژران و دوو چەتەش برینداربوون.
لە بەردەوامی هاتووە: ڕۆژی 17ی ئەم مانگە، هێزەکانمان لە دەوروبەری شاری عەزاز، دژی چەتەکانی سوپای داگیرکەری تورک، چالاکییان ئەنجامدا کە تێدا چەتەیەک کوژرا.
هەروەها هاتووە: ڕۆژی 18ی ئەم مانگە هێزەکانمان لە مەیدانی وەتەنی لە ناوەندی شاری عەفرین، دژی چەتەکانی سوپای داگیرکەری تورک چالاکییان ئەنجامدا، لەو چالاکییەدا سێ چەتە کوژران و سێی دیکەش برینداربوون.
لە کۆتاییشدا هاتووە: لە گوند و ناوچەکانی سەربە هەرێمی عەفرین و شەهبا، جموجوڵی فڕۆکە بێفڕۆکەوانەکان بەردەوامە و زۆرێک لە گوندەکان لەلایەن سوپای داگیرکەری تورکەوە تۆپباران کراون.[1]
#21-04-2020#

هێزەکانی ڕزگاریی #عەفرین# لەبارەی چالاکیی هێزەکانیانەوە لە مارع و عەفرین ڕاگەیاندراوێکیان بڵاوکردەوە.
لە ڕاگەیاندراوەکەی هێزەکانی ڕزگاریی عەفرین دا هاتووە:
هێزەکانمان ڕۆژی 10ی شوبات لەسەر ڕێگای نێوان گوندەکانی تەل مالید و عیون لە ناوچەی مارع لە دژی چەتە داگیرکەرەکان چالاکییان ئەنجامدا. لە چالاکییەکەدا چەتەیەک لە گروپی چەتەکانی جەیش وەتەنی کوژرا.
رۆژی 11ی شوبات هێزەکانمان لە گوندی برج حەیدەر لە ناوچەی شێراوای عەفرین لە دژی گروپێک لە چەتەکانی فەیلەقی شام چالاکییەکی سابوتاژیان ئەنجامدا. لەو چالاکییەدا 2 چەتە کوژران و 4 چەتەی تریش بریندار بوون.
هەر لەو ڕۆژەدا هێزەکانمان لە هەرێمی مارع لە نزیک گوندی توێسێ لە دژی چەتە داگیرکەرەکان چالاکییەکیان ئەنجامدا. ژمارەی چەتە کوژراو و بریندارەکانی ئەو چالاکییە ڕوون نەبووەتەوە.
لەلایەکی ترەوە سوپای داگیرکەری تورک و چەتەکانی بە تۆپی جۆری ئۆبیس و هاوەن گوندەکانی هەرێمی شەهبا و گوندەکانی ناوچەکانی شەرا و شێرا تۆپباران دەکەن.[1]
#12-02-2020#

یەپگە ڕایگەیاندووە، لە چوارچێوەی قۆناغی دووەمی بەرخودانی سەردەمدا لە #عەفرین#، چالاکی لە دژی سوپای تورکیای داگیرکەر و گروپە چەتەکانی بەردەوامیی هەیە.
لە ڕاگەیاندراوەکەی #یەپەگە#دا هاتووە:
رۆژی 24ی تشرینی دووەمی 2018 یەکەیەک لە #شەڕڤان#ەکانمان لە ڕێگای گوندی برج حەیدەر لە ناوچەی شێراوا لە دژی ئۆتۆمبێلێکی چەتەکانی فەیلەقی شام چالاکییەکی سابوتاژیان ئەنجامدا. لە ئەنجامی ئەو چالاکییەدا 2 چەتەی ناو ئۆتۆمبێلەکە بە قورسی بریندار بوون.[1]
#25-11-2018#

هێزەکانی ڕزگاریی #عەفرین# (HRE) لە ڕاگەیەنراوێکدا ئاشکرای کرد، ڕۆژی 6 و 7ی شوباتی 2019\16 و 17ی ڕێبەندان لە ناوچەی جندرێس و شێراوا-ی سەر بە عەفرین دژی هێزە داگیرکەرەکان زنجیرەچالاکییەکی کاریگەریان ئەنجام داون.
لە ڕاگەیەنراوی هێزەکانی ڕزگاریی عەفریندا هاتووە:
6ی شوبات\16ی ڕێبەندان، #شەڕڤان#انمان لە ناوچەی جندرێس-ی عەفرین چالاکییەکیان دژی ئۆتۆمبێلی سەرچەتە کی گرووپی جەیشی شەرقیە ئەنجام دا کە ناوی غانم خەلەف ناسراو بە ئەبوو حەکیم-ە. لە ئەنجامدا ئۆتۆمبێلەکە تێکشکێنرا و سەرچەتەکەش بریندار بوو.
6ی شوبات\16ی ڕێبەندان، لەسەر ڕێی گوندی باسووت-ی سەر بە ناوچەی شێراوا ئۆتۆمبێلێکی گرووپی چەتەی فیرقەی هەمزە کرایە ئامانج. لە ئەنجامی چالاکییەکەدا 3 چەتە بە ناوی عەلی ساڵح دبس، ئەحمەد حبوش، ئەیهام محەمەد بریندار بوون.
7ی شوبات\17ی ڕێبەندان، شەڕڤانانی ئێمە لە گوندی کیمار-ی ناوچەی شێراوا لە دژی چەتەیەکی سەر بە گرووپی فیرقەی هەمزە چالاکییەکی نیشانەشکێنییان ئەنجام دا. لە چالاکییەکەدا چەتەیەک بەسەختی بریندار بوو.
7ی شوبات\17ی ڕێبەندان، شەڕڤانانی ئێمە لە گوندی کەفەر نەبۆ-ی سەر بە ناوچەی شێراوا دژی مۆڵگەیەکی چەتەکانی سەر بە گرووپی فیرقەی هەمزە چالاکییەکیان ئەنجام دا. لە چالاکییەکەدا 2 چەتە بریندار بوون.[1]
#08-02-2019#

ناوەندی ڕاگەیاندنی #یەپەگە# ڕایگەیاند، لە چوارچێوەی قۆناغی دووەمی بەرخۆدانی سەردەمی #عەفرین#، چالاکیی یەکینەکانیان دژی سوپای تورکیای داگیرکەر و چەتەکانی بەردەوامە.
یەپەگە دەستنیشانی کرد لە چالاکییەکی هێزەکانیان لەنێوان گوندی کەفەر نەبۆ و گوندی بەراد-ی سەر بە ناوچەی شێرا‌وا-ی عەفرین دژی بنکەیەکی چەتەکانی ئەحرار شەرقیە، 2 چەتە کوژراون و 3ی دیکەش بریندار بوون.
یەپەگە دەربارەی ئه و چالاکییەی #شەڕڤان#ان ڕایگەیاند: (لە ڕێکەوتی 18ی ئەیلوول\27ی خەرمانان لەنێوان گوندەکانی کەفەر نەبۆ و بەراد-ی سەر بە ناوچەی شێراوا بنکەیەکی چەتەکانی ئەحرار شەرقیە کرایە ئامانج. لەنێوان هێزەکانمان و چەتەکاندا شەڕی ڕووبەڕوو ڕوویدا. لە ئەنجامدا 2 چەتە کوژران و 3ی دیکەش بریندار بوون.)[1]
#19-09-2018#

ناوەندی ڕاگەیاندنی یەکینەکانی پاراستنی گەل (#یەپەگە#) لەبارەی چالاکییەکانی ڕۆژی 30ی ئاب و 1ی ئەیلولی 2018ەوە لە شەرا، شێراوا و ناوەندی #عەفرین# لە دژی گروپە چەتەکانی دەوڵەتی تورکیای داگیرکەر ڕاگەیاندراوێکی بڵاوکردەوە.
بەپێی ڕاگەیاندراوەکەی یەپەگە، ڕۆژی 30ی ئابی 2018 تاوەکو 1ی ئەیلویلی 2018 #شەڕڤان#ان 3 چالاکیی جیاجیایان لە عەفرین لەدژی چەتە داگیرکەرەکانی تورکیا ئەنجامداوە.
لە ڕاگەیاندراوەکەی یەپەگەدا هاتووە لەو چالاکییانەدا گورزی قورس لە چەتەکان و دەوڵەتی تورکیای داگیرکەر دراوە.
دەقی ڕاگەیاندراوەکەی یەپەگە
یەکینەیەکەمان ڕۆژی 30ی ئابی 2018 لە نێوان گوندی قتمە و قەستەڵ جندۆ لە ناوچەی شەرای عەفرین بۆسەیەکیان بۆ گروپەکێک لە چەتەکانی گروپی عاسیفە شیمال دانا. لەو چالاکییەدا چەندین چەتە کوژران و بریندار بوون، بەڵام بە ڕوونی ژمارەی چەتە کوژراو و بریندارەکان دیار نییە.
رۆژی 31ی ئابی 2018 یەکینەیەکی ترمان لە دژی ئۆپراسیۆنی سوپای تورکیای داگیرکەر و گروپە چەتەکانی لە ناوچەی شێراوا چالاکییەکیان ئەنجامدا. لەو چالاکییەدا 3 چەتە کوژران و 3 چەتەی تریش بریندار بوون.
هەروەها ڕۆژی 1ی ئەیلولی 2018 لە ناوەندی عەفرین لە دژی سوپای تورکیای داگیرکەر و گروپە چەتەکانی چالاکییەک ئەنجامدرا. چالاکییەکە لە دژی گروپێک چەتە بوو کە لە دەورییەدا بوون. بەهۆی ئەو چالاکییەوە 3 چەتە کوژران و 3 چەتەی تریش بریندار بوون.[1]
#02-09-2018#