کۆمەڵەی یەکسانیی کوردستان، ڕێکخراوێکی سیاسیی کوردستانییە کە ساڵی (1357)ی هەتاوی، بەرامبەر بە (1978)ی زاینی لە ڕۆژ هەڵاتی کوردستان دامەزراوە. ئەم ڕێکخراوە تێدەکۆشی لە پێناو ڕزگاری و سەربەخۆیی کوردستان لەلایەک و ژیانێکی ئازاد، یەکسان وپێشکەوتوو بۆ هەموو چین و توێژەکانی کوردستان لەلایەکیتر. هەروەها سەقامگیر کردنی ئاشتی، دێموکراسی و مافی مرۆف، دادپەروەری کۆمەڵایەتی، یەکسانی ژن و پیاو و بەتایبەتی بەشداری ژنان لە بەرێوەبردنی وڵات، بەشێکیتر لە ئامانجە سەرەکییەکانی کۆمەڵەی یەکسانیی کوردستانن.
شایانی باسە کە کۆمەڵەی یەکسانی خۆی بە درێژەدەری کۆمەڵەی ژێکاف و کۆماری کوردستان دەزانێ و لە ماوەی خەباتی ڕابردوویدا، چەندین ڕێبەر و کادری بەتوانا و فیداکاری لەپێناو ڕزگاریی نەتەوەیی و یەکسانی لە کوردستاندا، پیشکەشی ئەو ڕێبازە کردووە.
ماڵپەڕ: http://www.yeksani.org