بەڕێوەبەری پۆلیسی هەولێر، ئاماری چوار مانگی ڕووداوەکانی کوشتن و دزی و تەزویرکردن و دەستگیرکردنی تۆمەتباران ڕاگەیاند، کە له و چوار مانگەدا 10 تاوانی کوشتن و دزی و تەزویر ڕووداوه و 18 کەسیش بەتۆمەتی پەیوەدیان به و تاوانانەوە دەستگیرکراون.
لە کۆنگرەیەکی ڕۆژنامەوانیدا، کە پێشنیوەڕۆی ئەمڕۆ لە شاری هەولێر سازکرا، لیوا عەبدولخالق تەلعەت، بەرێوەبەری پۆلیسی هەولێر، گرنگترین ئه و ڕووداو تاوانانەی کە لە چوار مانگی ڕابردوو ڕوویداوە ڕاگەیاند.
بەڕێوەبەری پۆلیسی هەولێر وتی: " لەماوەی ئه و چوار مانگەدا 10 تاوانی کوشتن و دزی و تەزویر ڕوویداوه و له و ڕووەوە 18 تۆمەتبار لە سنووری پارێزگای هەولێر دەستگیرکراون و دانیان بە تاوانەکەیان ناوە".
ئاماژەی بەوەدا کە لە سەرەتایی مانگی ڕەمەزانی پیرۆز ڕێژەی تاوان بە شێوەیەکی بەرچاو کەمی کردووە.
بەڕێوەبەری پۆلیسی هەولێر، دەستخۆشی لە دەزگاکانی پۆلیس و ئاسایش کرد کە ئەرکەکانی خۆیان زۆر بە باشی بەرێوەدەبەن.
بەرێوبەری پۆلیسی هەولێر دەستخۆشی ئاڕاستەی دانیشتووانی شاری هەولێریش کرد کە هەردەم هاوکار و جێگەی ڕێزن.
- 14-07-2014