نووسینی : بیڵ کلینتۆن
وەرگێڕانی : بارام سوبحی
چاپی یەکەم سلێمانی 2017
ئەو کاتەی کۆشکی سپیم بەجێهێشت، دەمزانی کە تەمەنم هێشتا بەبەرییەوە ماوەو منیش دەبێت بیگوزەرێنم، بۆیە کات و ماڵ و شارەزایی خۆم تەرخانکرد، کۆششم کرد تاوەکو بتوانم لەم ژیانەدا جیاوازییەک بهێنمە کایەوە، بەڵام دڵنیا نەبوووم لەوەی کە بە دیاریکراوی دەبێت چی بکەم، تەنها دەمویست یارمەتیدەربم لە ڕزگارکردنی ژیانی خەڵکی، لە چارەسەرکردنی دۆزە گەورەکان و بەخشینی هەل بە ژمارەیەکی گەورەی گەنجان بۆ هێنانەدی خەونەکانیان. هەستمکرد ئەوە ئەرکی منە، لەوانەیە ئەم هەستەشم، پشودانێک بێت بۆ ژیانێکی ناوازەو نیمچە ئەستەم کە گەلی ئەمەریکی پێی بەخشیبوووم.