$مەسرور بارزانى$ سەرۆک حکومەت هەرێم کوردستان, ديداريگ وەل رەجەب تەيب ئەردۆغان سەرۆک تورکى لە کوشک سەرۆکايەتى لە ئەنقەرەى پايتەخت ساز کرد لە چوارچيوەى سەردانە فەرميەگەى ئەرا تورکيا.
له و ديدارە هەردوگلا باس لە پەيوەنديەيل دولايەنە و ريەيل پتەوکردن ئاڵشت وئوڵشت بازرگانى کردن لەناونى تورکيا و هەرێم کوردستان و عراق وەشيوەيگ گشتى، بيجگە باسکردن رۆڵ گرنگ هەرێم کوردستان جوور هووکاريگ خاس ئەرا وەديهاوردن ئارامى و سەقامگيرى لە ناوچەگە.
جى باسە، وەرجە ئەوەيش مەسرور بارزانى سەرۆک حکومەت هەرێم وەل مەولود چاوش ئۆغلۆ جەمه و بوى لەوەخت رەسينى ئەرا ئەنقەرە وە ياوەرى شانديگ باڵاى وەزارى دويايين رويداگەيل ناوچەگه و ريەيل پتەوکردن پەيوەنديەيل بازرگانى و ئابوورى تاوتووێ کرياو دوياخريش هەردوگلا کۆنگرەيگ هاوبەش رووژناگەرى سازکردن و لەتى باس لە شيوازەيل دانيشتنەگە کردن و جواو پرسيار رووژنامەنويسەيل دانەو.