ڕۆژی 17-12-2019 دواقۆناغی شەقامی 120 مەتریی #هەولێر# لە سەر ڕێگای #کەرکووک#-ەوە بۆ ڕێگای سەرەکیی موسڵ کرایەوە کە تێچووی تەواوی پرۆژەکە 88 ملیۆن دۆلارە.
خالید خۆشناو سەرۆکی کۆمپانیای هێمن گروپ و بەڕێوەبەری پرۆژەی شەقامی 120مەتری، لە ڕێوڕەسمەکەدا وتی: شەقامی بازنەیی خێرای 120مەتریی، درێژییەکەی 37 کیلۆمەترە و بە سێ قۆناغ کارەکانی تەواکرا. لە 2013 تا 2016 قوناغی یەکەمی جێبەجێکرا. لە کۆتایی ساڵی 2018 قۆناغی دووەمی تەواوکرا و ئەمڕۆیش دواقۆناغ کۆتاییهات و کرایەوە. لە سبەینێوە شۆفێران و هاووڵاتیان دەتوانن شەقامەکە بەکاربهێنن و هاتووچۆی تێدا دەکرێت.
تێچووی تەواوی پرۆژەکە 88 ملیۆن دۆلارە، 17-12-2019 شەقامە سەرەکییەکە بازنەکەی تەواو بوو و هەندێک وردەکاریی پرد و یەکتربڕەکانی دەمێنێ و لە ساڵی نوێدا کاری تەواکردنی دەکرێت.[1]