ئەو کونە ڕەشەی بەتۆوە
ئەو مژانەی بە منەوە
خۆم تێکوتا بە گونەوە
زریکە زریکی لە بنەوە
مەبەستی مەتەڵەکە ئامێری پێچاڵە کە بۆ کاری جۆڵایی بەکاردێت، (پێچاڵ: ئامێرێکی کەلەپووری کوردییە، بۆ کاری چنین بەکاردێت) مژان: دارێکی درێژە بەشێکە لە ئامێری پێچاڵ، ئەو کونە ڕەشەی بە تۆوە، مەبەست لەو کونە باریکانەیە کە داوی (پۆ) ی پێوەدەکرێ، خۆم تێکوتا بە گونەوە، مەبەست لە مەکۆی پێچاڵە کە داوی (تان) ی پێوەیە، زریکە زریک لە بنەوە، مەبەسی لە کاتی کارپێکردنی ئامێری پێچاڵە کە تان و پۆکان دێن و دەچن دەنگێک درووستدەکات. وەڵام (کاری جۆڵایی کردن) .[1]