$ئەوە منم، منی ژن!$
بە هەموو ئەو بوونەی درکم پێکردووە لە خۆمدا بوونم هەیە و دەدوێم و دەنووسم و کار دەکەم.
پێدەکەنم و دەگریم و بیردەکەمەوە.
ڕابردووم هەیە و بۆ ئاییندە دەڕووانم.
من ئەو ژنەم وەک هەر مرۆڤێکی سەر زەمین دەژیم، هەڵە دەکەم و فێردەبم.
توانای هەڵبژاردن و وتنی نەخێرم هەیە بۆ ئەو مامەڵانەی بە شایستەی خۆم و هیچ مرۆڤێکی دیکەی نازانم.
ڕەخنەم هەیە و توانای بینینی جوانیەکانیشم هەیە. ئەو باجە کۆمەڵایەتییەی تۆ منی پێ ناچار دەکەیت واتای ئەوە نییە کە من خراپ و تۆ باشی.
جیاوازیی منێک و تۆیەک هەر نەوتنی قسەی دڵ و تێگەیشتنمانە لەوەی دەگوزەرێت.
کەمێک ئاسۆی بینینت فراوان بکە بزانە چەندە جیاوازە دنیای من و تۆ؟! [1]
#هاوژین زیبا#