سەنتەری ڕاوێژکاریی بەکاربەران لە ویلایەتی باڤاریای ئەڵمانیا ڕایگەیاند، گازۆ چەندین سوودی تەندرووستیی بۆ مرۆڤ هەیە، بەوپێیەی چەوریی بە نرخی تێدایە کە کاریگەریی ئەرێنیی لەسەر تەندرووستیی دڵ و خوێنبەرەکان و ڕێکخستنی ئاستی چەوریی لە خوێندا هەیە.
سەنتەرەکە ئاماژەی بەوەشکردووە، گازۆ گەنجینەی کانزا و ڤیتامینە گرنگەکانە بۆ تەندرووستیی چاو و پێست و ئێسک و ماسوولکە و دەمارەکان، بەوپێیەی ڤیتامینەکانی (A و B و E) لەخۆدەگرێت، هەروەها دەوڵەمەندە بە ئاسن و مەگنیسیۆم و کالیسیۆم.
جگەلەوەش، گازۆ ترشی ئەمینی تریپتۆفانی لەخۆگرتوە کە جەستە پێویستی پێیەتی بۆ بەرهەمهێنانی هۆرمۆنی دڵخۆشیی کە ناسراوە بە سیرۆتۆنین. [1]