هەردوو جڤاتی گشتی و نیشتمانی #بزووتنەوەی گۆڕان# وەڵامی نامەکەی کوڕەکانی #نەوشیروان مستەفا# چیا و نمایان داوەتەوە.
لە دوای ئەوەی نامەکەی چیا و نما، لە دوو کۆبوونەوەی جیاوازی هەردوو جڤاتی گشتی و جڤاتی نیشتمانی گۆڕان تاوتوێکراوە، بە پەیامێک وەڵامی نامەکەیان داوەتەوە.
هەردوو جڤاتەکەی گۆڕان ڕازی بوون بە ناوەرۆک و داواکارییەکانی کوڕەکانی نەوشیروان مستەفا و پشتگیری خۆیان بۆ دەستپێشخەرییەکەیان ڕاگەیاندووە.
بڕیارە بەم نزیکانە کۆبوونەوەی نوێنەری جڤاتەکانی گۆڕان لەگەڵ کوڕانی نەوشیروان مستەفا بەڕێوەبچێت، بۆ ئەوەی میکانیزمێک بۆ جێبەجێکردنی داواکارییەکانیان دیاری بکەن و دەست بە هەنگاوەکان بکەن. [1]