هادی عامری سەرۆکی هاوپەیمانی فەتح سەرۆکایەتی کۆبوونەوەیەکی کرد کە هەریەک لە محەمەد حەلبوسی سەرۆکی پەڕڵەمان و موحسین مەندەلاوی و #شاخەوان عەبدوڵڵا# جێگرانی سەرۆکی پەڕڵەمان و #فوئاد حسێن# وەزیری دەرەوە بەنوێنەرایەتی پارتی و خالید شوانی وەزیری داد بەنوێنەرایەتی یەکێتی لە کۆبوونەوەکە بەشدار بوون.
هادی عامری پڕۆتۆکۆڵی شکاند و لەناو بینای پەڕڵەمان سەرۆکایەتی کۆبوونەوەکەی کرد کە سەرۆکی پەڕڵەمان ئامادەی بوو بە مەبەستی لێک نزیک کردنەوەی پارتی و یەکێتی بەڵام هیچ کام لە پارتی و یەکێتی ئامادە نەبوون سازش لەسەر داواکاریەکانیان بکەن و بەبێ ئەنجام کۆبوونەوەکە کۆتای هات.
پارتی داوای کردووە بڕگەی مامەڵەی بەغدا لەگەڵ پارێزگاکان لابدرێت بەڵام یەکێتی سووربووە لەسەر هێشتنەوەی بڕگەکە و کردویەتی بە مەرج بۆ دەنگدان لەسەر بودجە.
هەر لە کۆبوونەوەکەدا عامری داوایەکی پارتی بۆ زیاد کردنی پارەی تێچووی دەرهێنانی نەوت ڕەت کردووەتەوە و ئەو پرسەی بەپرسی حکومەت ناوبردووە.
عامری و حەلبوسی پارتی و یەکێتیان ئاگادار کردووەتەوە ئەگەر ناکۆکیەکانیان چارەسەر نەکەن ناچارن لە پەڕڵەمان بە دەنگدان یەکلای بکەنەوە. [1]