بە واژۆی جەمیل عەبادی ، سەرۆکی یەکێتی ناوەندی بالەی ئێراق و بە نووسراوی ژمارە 284 لە ڕێکەوتی#15-05-2023# ، یەکێتی ناوبراو داوای لە #یانەی وەرزشی پێشمەرگەی سلێمانی# کرد کە میوانداری لەپاڵەوانێتی بالەی وڵاتانی عەرەبی بکات کە بڕیارە یارییەکانی لە وڵاتی ئێراق و لە هەرێمی کوردستان و لە شاری #سلێمانی# بەڕێوە بچێت .
لە و بارەیەوە بەڕێز حاکم #مەحمود ئەحمەد موراد# ، جێگری سەرۆکی یانەی وەرزشی پێشمەرگە لە لێدوانێکی تایبەت بە سایت و پەیجی فەرمی پێشمەرگە سپۆرتی ڕاگەیاندوو وتی ، لە شاری بەغدا و لە درێژەی چالاکییەکانی کۆڕبەندی وەرزشی ئێراق چاومان بە لێپرسراوانی یەکێتی بالە ئێراق کەوت و لەنێویاندا سەرۆکی یەکێتی ناوبراو کە دووبارە سوپاسی یانەی پێشمەرگەیان کرد لە کردنەوەی دەرگای هۆڵی یانەکەیان بۆ سەرجەم چالاکییەکانی یەکێتییەکەیان و هەروەک بە فەرمی داوامان لێکرا کە هۆڵی یانەکەمان تەرخان بکەین بۆ میوانداری لەپاڵەوانێتی بالەی وڵاتانی عەرەبی کە بڕیارە یارییەکانی لە ڕێکەوتی 5 ی ئەیلولی 2023 دەست پێبکات .
جێگری سەرۆکی یانەی پێشمەرگە ئاماژەی بەوەشکرد کە یانەی پێشمەرگە بووەتە کۆکەرەوەی سەرجەم وەرزشکارانی ئێراق و وەرزشە جیاوازەکان و هۆڵی یانەکەشیان میوانداری لە چەندین پاڵەوانێتی بەهێز کردووە و لەنێویاندا پاڵەوانێتی تۆپی سەرمێزی جیهان کە لە ساڵی 2012 میوانداری بوون .
دواجار حاکم مەحمود ، خۆشحاڵی خۆی پیشاندا کە بەهۆی ئەو خزمەتەی یانەی پێشمەرگە بە وەرزشکاران و ژێر خانی وەرزشی دەکات چاوی یەکێتییەکانی یارییە جیاوازەکانیان لەسەرە و یانەکەیان بوەتە ماڵێک بۆ هەمووان .
جێگەی باسە دوای 30 ساڵ ، یەکێتی بالەی عەرەبی بڕیاری داوە میوانداری پاڵەوانێتی بالەی وڵاتانی عەرەبی ببەخشێتەوە ، وڵاتی ئێراق و بۆ ئەو مەبەستەش ، یەکێتی ناوەندی بالەی ئێراق شاری سلێمانی و یانەی وەرزشی پێشمەرگە دیاری کردووە .[1]