ناونیشانی بابەت: ئیش و کاری ڕۆژانە چ کاریگەرییەکی هەیە لەسەر ڕەپنەبوونی چووک؟
ئامادەکردن و نووسەر: د. #دێراو سەعید عوسمان#
یەکێک لەو هۆکارانەی کە دەورێکی گرنگی هەیە لە تووشبوون بەلاوازی سێکسی پیاوان و بەتایبەت لە گەنجاندا بریتییە لە ئەنجامدانی کاری قوورسی ڕۆژانە کە ئەمەش خۆی لەدوو شێوازدا دەبینێتەوە:-
- جۆرێکیان ئەو کەسانە دەگرێتەوە کە ماوەی کارەکانیان دوروو درێژە بۆ نموونە 12 کاتژمێر لە ڕۆژێکدا کاردەکەن و پشووی کەم وەردەگرن ئەمەش دەبێتە هۆی هیلاکیەکی زۆری جەستەیی و زۆرجاریش کەمخەوی لێدەکەوێتەوە بەمەش ئەکرێت کەسەکە کێشەی ڕەپنەبوونی چووکی تووشببێت و نەتوانێت کاری سێکسی بەباشی ئەنجام بدات.
- جۆری دووەمیان زیاتر پەیوەندیدارە بە جۆری ئیشەکە، بەتایبەت ئەو کارانەی کە بەهۆیەوە کەسەکە زۆر مێشکی ماندوو دەبێت و زۆر بیردەکاتەوە و زۆر جاریش لەکاتی پشووەکانیشدا مێشکیان لای کارەکانیانە. کە ئەمەش کاریگەریی نەرێنی لەسەر ڕەپبوونی چووک درووست دەکات.
- ئەوەی جێگای دڵخۆشییە ئەوەیە ئەم هۆکارە بەزۆری کاتییە، واتە کاتێک کەسەکە ماوەی کارکردنەکەی کەمبێتەوە یاخود پشوو وەربگرێت ئەوا ئەگەڕێتەوە بۆ باری ئاسایی خۆی. [1]