بە مەبەستی پیرۆزبایی و پاڵپشتی لە تیپەکە، ڕۆژی سێشەممە #12-09-2023# و لەنێو بارەگەی سەرەکی #یانەی وەرزشی پێشمەرگەی سلێمانی# لە گەڕەکی ئاوبارە، بەڕێز حاکم #مەحمود ئەحمەد موراد# جێگری سەرۆکی یانەی وەرزشی پێشمەرگە بە ئامادەبوونی هەریەک لە م.شێرزاد محەمەد حەسەن سکرتێری یانە، م.ئیبراهیم قاسم ڕاوێژکاری وەرزشی سەرۆکی یانەی پێشمەرگە و وسام محەمەد بازگ، خاتوو کەلسوم محەمەد و نەشمیل محەمەد ئەندامانی دەستەی کارگێڕی پێشوازی کرا لە سەرپەشتیار و ستافی مەشقی و سەرجەم یاریزانانی تیپی تۆپی پێی لاوانی یانەی وەرزشی پێشمەرگە.
لەو میوانداریەدا، جێگری سەرۆکی یانە وێڕایی پیرۆزبایی خۆی لە ستافی مەشقی و تەواوی یاریزانان کە توانیان بۆ دووەم وەرزی لەسەر یەک بگەنە یاری کۆتایی خولی لاوان و ڕکابەری لە خولی پلە یەکی تۆپی پێی یانەکانی ئێراقیشدا بکەن دووپاتی کردەوە کە یانەکەیان تەواوی پاڵپشتیان دەبێت و هیوایی بۆ خواستن لە یاری کۆتایی خولی لاوان بە ئاستی خۆیان یاری بکەن و بگەن بەو ئامانجەی کە ئامادەکاریان بۆ کردووە.
هەروەک ئاماژەی بەوەشکرد کە یانەی پێشمەرگە گرنگی تەواو بە ئاستەکانی تیپەکانی تۆپی پێی یانەکەیان دەدات و بۆ ئەو مەبەستەش سەرپەرشتیاری گشتی تیپەکانی تۆپی پێ دەست کراوە تا هەمیشە بەرەو پێشبچن.
لە کۆتایی بە سوپاسکردنی ستافی مەشقی و یاریزانان کۆتایی بەو میوانداریە هات و بەڵێنیاندا کە بۆ خەونەکانیان بجەنگن و کۆڵ نەدەن.
[1]