خەڵاتو شېفێ خەرپانەی
وەسا ئیبراهیم خەرپانەی خەڵات کریا
بەبۊنەو دوەمین ساڵیادو ئەرەمەرزیای (کۊمەڵەو شیفەکاو کوردستانی) خەڵاتو ڕېزچەنەگیرتەی دریا بە شێف (ئیبراهیم خەرپانەی) .
جە مەڕاسیمێ تایبەت و جە شارو سلێمانی، بە ئاماڎەبیەو سەرۆکو مێمان یانەکا چاشت کەرەکاو سلێمانی و کۊمەڵێ جە شێفەکا کوردەسانی جە شارە جیاوازەکاوە، دوەمین ساڵ ڕوو ئەرەمەرزناو (کۊمەڵەو شێفەکاو کوردستانی) بریا ڕاوە.
وەسا ئیبراهیم خەرپانەی بە نوێنەرایەتی هەڵەبجە و هۆرامانی دەعوەتو ئا مەڕاسیمیە کریا بی، خەڵاتو پەنەزانایش دریا پەنە.
وەسا ئیبراهیم خەرپانەی یۆن جە شێفە ئەژناسیاکاو هەڵەبجە و هۆرامانی هەکە بە گەنجی حەزو خولیاو میمانداری و چاشت کەردەی دەسش بە هەرمان کەردەی کەردەن و جە وەردەسی کەردەیۆ دەسش پەنە کەردەن و دماو چن ساڵێ ئەزموون، دماجار تاواش بوو بە یۊ جە ساحیب لوقەنتەکا هۆرامانی، جە ئیسەنە ساحېبو چاشتخانەو کەبابو وەسا ئیبراهیمیا جە بېیاوێڵەنە و هەلی هەرمانیش پەی چنەها گەنجا ڕەخسنان.[1]