کورد دلۍ چەرخەکا تاریخینە
بەشۍ: سەڎ و سېڼزەهەمە
نویستەی: #هاوڕێ باخەوان#

ساڵەو (1763ز): شۊنەوارئەشناسەکۍ چن تۊمارێشان پەی جیائاستېنمۍ کە تاریخشان مەگېڵۊوە پەی ئی ساڵ و سەردەمەیە:
سڵێمان پاڎشا، دیسان بېیەنۆ بە میرو بابانی.
ئەحمەڎ پاڎشا دیسان بېیەنۆ بە میرو بابانی.
سڵێمان پاڎشاو بابانی بە دەسو فەقی ئەحمەڎی کوشېیان.
جەنگو میانو بابانەکا و ئەردەڵانییەکا قۊمیان، دلېشەنە بابانەکۍ سەرکۆتېنۍ و سنەشان داگیرکەردەن، بەڵام دماتەر چەنەشان ئەسێنێ.
ساڵەو (1764ز): ئەچی ساڵېنە موحەمەڎ پاڎشا کوڕو خالید پاڎشای مەبۊن بە میرو بابانی. هەر ئەچی ساڵېنە سڵېمان پاڎشاو بابانی کوشېیان.
ساڵەو (1765ز): حەمە ئاغای دەربەڼ فەقەرەی شاعېر، ئەچی ساڵېنە ئامان دنیاوە. هەر ئەچی ساڵېنە سڵېمان پاڎشا میرو بابانی دلۍ وەرمینە کوشېیان جە قەڵاچوالان.
ساڵەو (1766ز): ئەچی ساڵېنە (کارستن نیبوور) لوان پەی هۆلېری. هەر ئەچی ساڵېنە نیبوور گەشتنامەکەش وەڵاکەردەنۆ کە دلېشەنە باسێش سەرو کوردی نویستەن .
ساڵەو (1767ز): میرو میرنشینو بادینانی (بارام پاڎشای گۆرە) ئەچی ساڵېنە کۊچی دمایینش کەردەن. هەر ئەچی ساڵېنە میرنشینو ئەردەڵانی ۋڕان.[1]