(کردی فارسی)
عەبدولڕەحمان شرفکندی، (یک جلدی)، (#هەژار موکریانی#)، چ1، تهران، انتشارات سروش، 1369 (1990)، 1035ل.
فەرهەنگێکی کوردی بۆ کوردیی ناوەندی و فارسییە کە هۆنەر و نووسەری بەناوبانگی کورد عەبدوڕەحمان شەرەفکەندی (هەژار) نووسیویەتی و ماجید مەردۆخ ڕۆحانی پێداچووەتەوە. هەنبانە بۆرینە بە دوو شێوەی یەک بەرگی و دوو بەرگی لە چاپ دراوە و چاپی یەکەمی لە ساڵی 1990 لە تاراندا بووە. لە هەموو شێوەزارەکان و بنشێوەزارەکانی زمانی کوردی لەم وشەدانەدا کەڵک وەرگیراوە و هەوڵی ئەوە نەدراوە تەنیا وشەیەکی شێوەزارێک پەسەند بکرێت و ئەوانی تر لاببرێن. ئەلفوبێ و شێوازی نووسینی کوردی لەم فەرهەنگەدا جیاوازە و تایبەتە و لە پێشەکیی پەرتووکەکەدا لەسەری قسە کراوە.
هەژار لە پێشەکیی فەرهەنگەکەدا سەبارەت بە هۆکاری ناو نرانی نووسیویەتی:
(ناوی وشەدانەکەی خۆم ناوە: هەنبانە بۆرینە، کە لە چیرۆکاندا دەڵێن: هەرچیت بوێ دەستی تێخە دێتە چەنگت.)