دیماگۆجی Demagoge
دیماگۆجی، ماناو فریودای، خەڵەتنای خەڵکی مەیاونۊ، پا خەڵک خەڵەتنایە ماچان هەکە جە ڕاو پێماندای و شیعارە درۊیېناوە چەمبەسی جە خەڵکی کەران، دیماگۆگ، ئا کەسېنۍ کە هۆڵۍ مڎان بە درۋۍ هووشۍ خەڵکی پەی لاو وېشان بکېشان، ڕاسیەکا گومۍ بکەران، پارتە بورجوازیەکۍ ئەچا سېیاسەتیە پاڕەوی کەران، ئا دەسەڵاتۍ کە دژو خەڵکینۍ هۆڵۍ مڎان جە ڕاو (ڕادیو، تەلەفزیون، ڕۊنامە، ڕیپورتاج، چەمپەنەکۆتەی، ....هتد) خەڵکۍ ساڎۍ و کەم فامۍ بخەڵەتنان، نەک هەر پارتە بورجوازیەکۍ، بەڵکوم پارتە ناسونالیستیەکېچ عەینو سېیاسەتی پاڕەوی مەکەران، ئاڎۍ بە واتۍ بریقەدارۍ خەڵکی خەڵەتنان، هەزارەها دروۍ زەرد و سوورېشا پەی پېکناوە، چېریچەنە وېشا خەریکۍ ژیوای وېشانۍ.[1]