⚠️ Այս տարրը ըստ Kurdipedia ի (📏 Ստանդարտների) չի վերջնական դեռ!

باکووری کوردستان
- پارێزگاری جۆلەمێرگجۆلەمێرگ قەدەغەی ئەنجامدانی چالاکیی لەو شارەدا بۆ 15 رۆژی تر درێژکردەوە.[1]
- لە خارپێتخارپێت پڕۆسەی گەڕان و رزگارکردنی قوربانییانی بوومەلەرزەکە کۆتاییهات. بە پێی ئامارەکانی دەوڵەتی تورک 41 کەس گیانیان لەدەستداوە و 1607 کەس بریندارە.[1][3]
رۆژهەڵاتی کوردستان
- هێزە ئیتلاعاتییەکان لاوێکی یارسانییان بە ناوی سابیر محەممەدی دەسبەسەر و ناوبراویان بۆ شوێنێکی نادیار راگواست. ئەو لاوە کوردە کرماشانکرماشانییە، بەبێ بەڵگەی یاسایی لەلایەن هێزە ئیتلاعاتییەکانەوە دەسبەسەر کراوە.[6]
باشووری کوردستان
- شەوی رابردوو جارێکیتر فڕۆکەکانی دەوڵەتی تورک هاوڵاتیانیان لە بادینان کردە ئامانج و بەهۆیەوە شەهیدو برینداریی لێکەوتووەتەوە. بەپێی زانیاریی سەرچاوە هەرێمییەکان، لە بۆردوومانی شەوی رابردوودا، هاوڵاتییەک کە پیشەی پێشمەرگەیە بە ناوی 'سەعید حەبیب سرانیسەعید حەبیب سرانی'، خەڵکی گوندی دوودی سەر بە شارەدێی دینارتەدینارتەی سەربە ئاکرێئاکرێ، شەهیدبووە، هاوکات کەسێکی دیکە بە سەختی بریندارە، کە دەوترێت ئەویش پێشمەرگەیە. هاوڵاتیانی دەڤەرەکە تا بەرەبەیانی ئەمڕۆ کاتژمێر 04:00، بەشوێن تەرمەکاندا گەڕاون، لە ئەنجامیدا تەرمی ئەو شەهیدە، هەروەها بریندارەکە دۆزرانەوە.[1]
- لە دادگای هەڵەبجەهەڵەبجە دانیشتنێکی دیکەی دادگایکردنی ئەو کۆمپانیا و کەسایەتیانە دەستپێدەکاتەوە کە هاوکار بوون لە فرۆشتنی چەکی کیمیایی بە رژێمی بەعس ئەوەش دوای لەلایەن کەسوکاری شەهیدانەوە، زیاتر لە پێنج هەزار 500 سکاڵا لەسەر کۆمپانیاکان تۆمارکراون.[2]
- فیستیڤاڵی کورتە فیلم بە بەشداریی سەرۆکی هەرێمی کوردستان لە هەولێرهەولێر بەڕێوەچوو. ئەم فیستیڤاڵە لەلایەن نوێنەرایەتیی یو ئێن دی پی لە هەرێمی کوردستان و عێراق بۆ دەرهێنەرانی گەنج رێکخرابوو.[3]
- ئێوارەی ئەمڕۆ، لە ناوبازاڕی سیروان لەشاری هەولێر، کوڕی بەرپرسێک ئۆتۆمبێلەکەی بە نایاسای رادەگرێت و پۆلیسی هاتووچۆش هەوڵی داوە دەست بەسەر ئۆتۆمێلەکەدا بگرێت، بەڵام شوفێری ئۆتۆمبێلەکە قبوڵی نەکردووە و تەقەی لە پۆلیسەکان کردووە.[2]
- دوای ئەوەی دوو چەکدار لە ناو بازاڕی هەولێر تەقەیان لە پۆلیسێکی هاتووچۆ کرد، بەڕێوبەرایەتی پۆلیسی پارێزگای هەولێر لە روونکردنەوەیەکدا رایگەیاند، هێزەکانی پۆلیس دوو چەکدار و بەرپرسێکیان دەستگیر کردووە.[4]
- مەسرور بارزانیمەسرور بارزانی سەرۆکی حکومەتی هەرێمی کوردستان لە گەڵ ژمارەیەک لە وەبەرهێنەرانی هەرێمی کوردستان کۆبووەوە. لە کۆبوونەوەکەدا کە قوباد تاڵەبانیقوباد تاڵەبانی جێگری سەرۆکی حکومەت ئامادەیبوو، گفتوگۆ دەربارەی کارنامەی کابینەی نۆیەم تایبەت بە پەرەپێدانی وەبەرهێنان و گەشەپێدانی ئابووری هەرێمی کودستان کرا. سەرۆک و جێگری سەرۆکی حکومەت، وەبەرهێنەرانیان دڵنیا کردەوە کەحکومەتی هەرێم پاڵپشت و رێخۆشکەر دەبێت بۆ پرۆسەی وەبەرهێنان و نەهێشتنی رووتین لە دامودەزگاکانی حکومەتدا.[4]
- پێشنیوەڕۆی ئەمڕۆ لە وێستگەی دابەشکردنی بەنزینی ئیسکان لە شاری کەرکوککەرکوک، لەگەڵ ئەوەی هاوڵاتیان سەرەی وەرگرتنی نەوتیان گرتبوو، بەڵام بەر لەوەی نەوتیان پێبدرێت پێیان راگەیەندرا کە نەوت دابەش ناکرێت، ئەمەش وایکرد هاوڵاتیان ناڕەزایی دەرببڕن و خۆپیشاندان ئەنجامبدەن. هاوڵاتیانی ناڕازیی بۆ ماوەی نیو کاتژمێر دەرگای وێستگەیان داخست و نەیان هێشت ئۆتۆمبێل لە وێستگەکە بەنزین وەربگرێت.[5]
- گروپێک چەتەی داعشداعش ویستیان بە نهێنی بچنە ناو کامپی شەهید رۆستەم جودی لە مەخموورمەخموور، بەڵام لەلایەن هێزەکانی پاراستنی جەوهەری ئەو هەوڵدانەیان پووچەڵ کرایەوە و چەتەکان هەڵهاتن.[1]
- وەزارەتی تەندروستی هەرێمی کوردستان هەواڵی تووشبوونی سەرمایەدارێکی کورد بە ڤایرۆسی کۆرۆنا رەتدەکاتەوە، کە دەگوترێت دوای گەڕانەوەی لە چینەوە بۆ هەولێر، تووشی ئەو ڤایرۆسە بووە.[3]
رۆژئاوای کوردستان
- ئیدارەی خۆبەڕێوەبەری ئەنجامی شیکارییەکی تاقیگەیەکی سویسرای لە پاریس ئاشکرا کرد، کە پشتڕاستی دەکاتەوە، سوپای تورکیا بۆمبی فۆسفۆڕی سپی لە هێرشی باکوری سوریا لە مانگی 10ی 2019 بەکارهێناوە. تاقیگەی ویسلینگی سویسری بڕێکی زۆر مادەی فسفۆڕی سپی لەو سامپڵانەندا ئاشکرا کردووە، کە لە پێستی شەڕڤانشەڕڤان و بریندارەکان وەریگرتبوو. بەپێی ئەو ڕاپۆرتەی کە تاقیگەکە بە زمانی ئینگلیزی بڵاویکردووەتەوە، جۆری برینداری قوربانیەکانی بە سوتانی کیمیایی وەسف کردووە، کە بەشێکی زۆر مادەی فۆسفۆڕی سپی تێدا بەکارهێنراوە.[1]
دەرەوەی کوردستان
- سەرچاوەیەکی ئیسرائیلی کە نەیویستووە ناوی ئاشکرا بکرێت، بە ماڵپەڕی برێکینیگ دیفێنسی ئەمریکیی رایگەیاندووە، ئەمریکا سەرقاڵی دروستکردنی سێ بنکەی سەربازییە لە باکووری عێراق.[3]
- بەگوێرەی ئاژانسی ئەنادۆڵی تورکی، ئێوارەی ئەمڕۆ کاروانێکی سەربازی تورکیا کە لە تانک و زریپۆش و چەکی قورس پێکهاتوون، گەیشتە شارۆچکەی رەیحانی لە ویلایەتی هاتای، ئەمەش بە ئامانجی زیادکردنی هێزەکانی لەسەر سنووری سووریا.[4]

باکووری کوردستان
- بە بڕیاری پارێزگار (والی)ی دەوڵەتی تورک لە گوندەکانی ئاغاچپنار و ئایرانجلار-ی سەر بە شاری بەدلیسبەدلیس هاتووچۆ قەدەغە کرا.[5]
- دادگای سزا قورسەکانی ئامەدئامەد دۆسیەی لێکۆڵینەوەی بۆ سەرۆکی سەندیکای پارێزەرانی ئامەد و 40 ئەندامی دیکەی سەندیکاکە کردووەتەوە. بەڕێوەبەرانی سەندیکای پارێزەرانی ئامەد پێیانوایە، گرنگی ئەو سەندیکایە لە ئاستی نێودەوڵەتی وایکردووە کە حکومەت گوشاری زیاتری لەسەر دروستبکات.[6]
رۆژهەڵاتی کوردستان
- هاووڵاتییەکی کورد بە ناوی ڕزگار محەممەدی لە بەخشی لاجانی شاری پیرانشارپیرانشار و لە نزیک شاری گەردکشانه، لە لایەن هێزە ئیتلاعاتییەکانەوە، بە تۆمەتی هاوکاری لەگەڵ یەکێک لە حیزبە کوردییەکانی ئۆپوزسیونی حکوومەتی ئێران دەسبەسەر کرا.[7]
- سامان ساڵحی تەمەن 24 ساڵ خەڵکی گەڕەکی قەوەخی سەقزسەقز و محەممەد کەریمی خەڵکی گوندی شوێ سەر بە شاری بانهبانه لە چیاکانی دەورووبەری گوندی بروێشکانی سەر بە بەخشی نەنۆر بە هۆی سەرما گیانیان لە دەست دا.[7]
باشووری کوردستان
- بڕیار بوو دژی بۆردوومان و داگیرکارییەکانی دەوڵەتی تورک لەسەر باشوری کوردستان، هاوکات بۆ پشتیوانی سەرهەڵدانەکانی بادینان دژی داگیرکاریی، گردبوونەوەیەکی ناڕەزایی لە شاری دهۆکدهۆک بەڕێوەبچێت.[3] ئاسایشی پارتی ڕێگری لە خۆپیشاندانەکە کرد و چەندین هاوڵاتی، ڕۆژنامەوان و چالاکیی مەدەنی دەستگیر کرد. بە گوێرەی زانیارییەکان، ڕۆژنامەوان گوهدار زێباری و دوو چالاکی دیکە لە بازگەی ئاکرێ – دهۆک لە لایەن هێزەکانی ئاسایشی پەدەکە-وە دەستگیر کراون. سەرچاوەیەک بە بۆ ڕۆژ نیووزی ڕاگەیاندووە، ئه و ڕۆژنامەوان و چالاکانەی کۆمەڵگەی سیڤیل ویستوویانە بچنە دهۆک بۆ ئەوەی بەشداری بکەن لە خۆپیشاندان بەمەبەستی پشتیوانی کردن لە ڕاپەڕینی گەلی شیلادزێ و ئیدانەکردنی داگیرکاریی تورکیا.[5][3]
- ‎ئەیهان سەعید‎ئەیهان سەعید، ڕۆژنامەنووس و بەرپرسی سەنتەری میترۆ لە پارێزگای دهۆک، لەلایەن ئاسایشی پارتییەوە دەستگیرکرا.[3]
- لیژنەی داکۆکی لە مافی رۆژنامەنوسان ئیدانەی دەستگیرکردنی رۆژنامەنوسان دەکات لەلایەن ئاسایشی پارتیەوە لە شاری دهۆک لە کاتی روماڵی خۆپیشاندان بۆ پشتگیری کردنی خۆپیشاندەرانی شیلادزێ.[4]
- بەهۆی بەرزبوونەوەی زۆری رێژەی ئاستی ئاو، رێگەی سەرەکی نێوان سۆرانسۆران–هەولێرهەولێر داخرا و تیمەکانیش سەرقاڵی کردنەوەی رێگەکەن.[2]
- بەهۆی بەرزبوونەوەی ئاستی ئاوی بەنداوی سماقوڵیبەنداوی سماقوڵی جارێکی دیکە، رێگەکە بە رووی شۆفێراندا داخرا، بەڕێوەبەرایەتی هاتوچۆی کۆیەکۆیەش هۆشداری بە شۆفێران دەدات لەئەگەری رۆیشتنیان بەناو ئاوەکەدا مەترسی لەسەر ئۆتۆمبێلەکانیان دروستدەبێت.[2]
- لە رۆیاڵ مۆڵی هەولێر ئاگرێک کەوتەوەو بەهۆی رووداوەکەشەوە کەسێک گیانی لەدەستدا.[4]
- ڕۆژنامەنووس گوهدار زێباریگوهدار زێباری و دوو چالاکوانی دیکە لە بازگەی ئاکرێئاکرێ – دهۆک لەلایەن هێزەکانی ئاسایشی پارتییەوە دەستگیرکران.[3]
- خوێندنگایەکی خوێندنی کوردی لە خانەقینخانەقین گڕیگرت. به و هۆیەشەوەێکی زیانێکی زۆری ماددی بەر خوێندنگاکە کەوتووە.[4]
- لە هۆڵی سەرۆکایەتی زانکۆی کۆیەزانکۆی کۆیە فێستیڤاڵێک بۆ شاعیران ڕێکخراو یەکەم تا سێیەمی سەرکەوتوان خەڵات کران.[2]
- ناوەندی جەمال عیرفانجەمال عیرفان پێشانگایەکی کتێبی لە چەمچەماڵچەمچەماڵ کردەوە و تێیدا زیاتر لە 650 ناونیشانی کتێبی تێدا نمایشکرا.[4]
- هێزێکی لیوای 61 ناسراو بە (یەکەی شەڕکەری تایبەت) لەبەغداوە گەیشتنە سەنتەری شاری کەرکوککەرکوک، بڕیاریشە لەچەند رۆژی داهاتوودا تەواوی هیزەکە بگات بۆ ئەوەی مەلەفی ئەمنی بگرنەدەست.[2]
- بەهۆی بەردەوامی بارانبارین و بەرزبوونەوەی ئاستی ئاوی چەمی چەقان و کەنی زەرد، لە ژمارەیەک گەڕەکی شارۆچکەی سەیدسادق لافاو دروستبووە و پردێک لافاو بردویەتی و تیمەکانی بەرگری شارستانیش لە ئامادەباشیدان بۆ بەدەمەوەچوونی هاووڵاتیان.[2]
رۆژئاوای کوردستان
- دەوڵەتی تورک، ئەمڕۆ گوندی سۆخانەکێ-ی سەر بە ناوچەی شێراوا-ی عەفرینعەفرینی بۆردومان کرد. بە گوێرەی زانیارییەکان، بۆردومانەکە تا کاتژمێر 16:30 بە کاتی ناوچەکە بەردەوام بووە و لایەنی کەم 10 گولەی تۆپ بە ناوچەوکە کەوتوون، بەڵام هیچ زیانێکی گیانی لێ نەکەوتووەتەوە.[5]
- لەسەر ڕێگەی عەفرین - جندرێس لە کاتی تێپەڕبوونی تراکتۆرێکدا مینێک تەقییەوە. بە گوێرەی زانیارییەکان لە ئەنجامی تەقینەوەکەدا 2 کەس کوژراون کە لەنێو تراکتۆرەکەدا بوون.[5]
دەرەوەی کوردستان
- میر تەحسین بەگمیر تەحسین بەگ، میری ئێزدییان لە نەخۆشخانەیەکی شاری هانۆڤەری ئەڵمانیا کۆچی دوایی کرد.[1]
- لە شاری هانۆڤەری ئەڵمانیا پرسەی میر تەحسین بەگ، میری ئێزدییانی کوردستان و جیهان بۆ ماوەی سێ رۆژ بەڕێوەدەچێت. دواتریش تەرمەکەی دەهێندرێتەوە کوردستان.[6]
- 27هەمین کۆنگرەی مانگی سووری کوردستان بە بەشداریی 100 ئەندام و چەندین میوان لە شاری بۆن-ی ئەڵمانیا ساز کرا.[5]
- پارتی کۆمۆنیستی فەڕەنسا بۆ هەڵبژاردنی پەرلەمانی ئەورووپا کە مانگی ئایاری ئەمساڵ بەڕێوەدەچێت، 2 ژنی کوردی کاندید کرد.[5]
- کاربەدەستانی تاران و شام لەسەر 11 پەیمانی هاوکاریی ئابووریی (ستراتیژ و ماوەدرێژ) ڕێککەوتن. ئەم پەیمانانە هانی وەبەرهێنەرانی ئێران دەدەن بۆ ئەوەی ڕوو لە سووریا بکەن.[5]

باکووری کوردستان
- حکومەتی تورک لە 11 شوێنی سەر بە شارۆچکەی ئەلکەی شرناخشرناخ قەدەغەی هاتووچۆی ڕاگەیەندووە، بە مەبەستی ڕێخۆشکەریی بۆ ئەنجامدانی ئۆپەراسیۆنی سەربازیی بۆ سوپای تورک.[5]
رۆژهەڵاتی کوردستان
- بەپێی هەواڵە بڵاوکراوەکان، ئیدارەی گەیاندنی زانیاریی پەروەردە و بارهێنان لە پارێزگای ورمێورمێ لە ڕاگەیندراوێکدا، بڵاوی کردەوە، بە هۆی بارینی بەفر و ساردبوونی کەشوهەوا و سەهۆڵبەندانەوە، هێندێک لە قوتابخانەی گوند و ناوچە و شارەکانی دەوروبەری ورمێ وەکوو: ئەنزڵ، نازلوو، سیلوانا و سۆما و برادۆست، لە تەواوی قۆناغەکانی خوێندن و هەروەها لە شارەکانی پیرانشارپیرانشار، شنۆشنۆ، مەهابادمەهاباد، سەردەشتسەردەشت و بۆکانبۆکانیش لە تەواوەی قۆناغەکانی خوێندن و لە شاری تیکابیش قۆناغی سەرەتایی و ناوەندیی دوانیوەڕۆی ئەمڕۆ داخراون.[3]
- پێکدادان لەنێوان هێزەکانی سوپای پاسداران و گرووپێکی چەکداری داعشداعش لە ناوچەی ئەزگڵە لە رۆژئاوای پارێزگای کرماشانکرماشان بەردەوامە.[2]
- پەرلەمانتارە کوردەکانی رۆژهەڵاتی کوردستان نامەیەکی ناڕەزاییان دایە سکرتێری گشتی نەتەوە یەکگرتووکان، بۆ ئیدانەکردنی هێرشەکانی تورکیا بۆ سەر عەفرین، باڵیۆزی تورکیا لەتاران هەڵوێستی ئەو نوێنەرانە بە تۆمەتێکی بێبنەما ناودەبات.[1]
باشووری کوردستان
- مامۆستا و خوێندکارانی زانکۆی سلێمانیزانکۆی سلێمانی لە گردبونەوەیەکدا پشتگیری خۆیان بۆ عەفرینعەفرین پیشاندا و بڕیاریشە لە رۆژانی داهاتودا ژمارەیەک چالاکی بەو بۆنەیەوە ئەنجامبدەن.[1]
- وتەبێژی حەشدی شەعبیحەشدی شەعبی رایدەگەیەنێت، بەهۆی ئارامی دۆخی ئێستای خورماتووخورماتووەوە ئاوارەکان دەگەڕێنەوە شوێنەکانی خۆیان و تا ئێستا نزیکەی 400 خێزان گەڕاونەتەوە سەر ماڵەکانیان.[4]
- بەمەبەستی پاڵپشتی بۆ عەفرین چەند چالاکوانێکی مەدەنی شاری هەولێرهەولێر داوایان لە پارێزگای هەولێر کرد رێگەیان پێبدرێت خۆپیشاندانێک لە بەردەم کونسوڵخانەی تورکیا ئەنجامبدەن، بەڵام داواکاریەکەیان رەتکرایەوە.[1]
- بەهۆی بارینی بەفرەوە جموجۆڵی بازرگانی لە حاجی ئۆمەرانحاجی ئۆمەران بەربەستی بۆ دروستبووە.[6]
- لە شارۆچکەی کەلارکەلاری ناوەندی ئیدارەی گەرمیان، بە ئامادەبوونی جەماوەرێکی بەرفراوان و نوێنەری بەشێکی زۆر لە حزب و لایەنە سیاسییەکان و ڕێکخراوەکانی کۆمەڵی مەدەنی و مامۆستایانی ئاینی و مامۆستایانی زانکۆی گەرمیان و بەشێک لە بەڕێوەبەرانی دەزگا ئەمنی و خزمەتگوزارییەکانی ناوچەکە، ڕێپێوانێک لە پارکی لەیلا قاسمەوە بۆ ناوبازاڕی کەلار، بۆ پشتگیریی عەفرین بەڕێوەچوو.[5]
- کاژمێر 9:45 خولەکی ئەمشەو لەگەڕەکی (حەی خضراء)ی شاری کەرکوککەرکوک ژمارەیەک چەکدرای نەناسراو تەقەیان لە (عودەی ساڵح ئیبرهیم) کرد ناوبراو ئەندامی شارەوانی شارەدێی (ڕەشادە) و دانشتووی گەڕەکی (حي نداء)ی شاری کەرکوک نزیک مەعرەزەکان و دەست بەجێ گیانی لەدەستداوە.[6]
رۆژئاوای کوردستان
- فڕۆکە جەنگییەکانی تورکیا بە بەردەوامی چیای قەستەل لە سنووری عەفرین بۆردوومان دەکەن. شەڕڤانانی یەپەگەش سەنگەرەکانیان لەسەر چیای قەستەل چۆڵنەکردووە و شەڕ دەکەن. هەندێک لە سەنگەرەکانیان تەنیا دوو کیلۆمەتر لە سنووری تورکیاوە دوورن.[2]
- فڕۆکە جەنگییەکانی سوپای تورک گوندی شێخۆرزێشێخۆرزێی سەربە شارۆچکەی بلبلێی کانتۆنی عەفرین بۆردومان دەکەن. هەروەها لە لایەکی دیکەوە، بەنداوی (مەیدانکێ)ی سەر بە شارۆچکەی شەرا یان بۆردومان کرد.[5]
- بە گوێرەی ڕاگەیەندراوێکی ناوەندی ڕاگەیاندنی هێزەکانی سوریای دیموکرات- قەسەدە، فڕۆکە جەنگییەکانی سوپای تورک سەرلەبەیانیی ئەمڕۆ گوندی حاج خەلیلحاج خەلیلیان بۆردومان کردووە و لە ئەنجامیدا ژمارەیەکی زۆر لە هاوڵاتیان شەهید و برینداربوون.[5]
- رۆبێرت فیزک، رۆژنامەنووسێکی بەریتانییە و لەبارەی دۆخی مەدەنییەکانی نێو عەفرین راپۆرتێکی تایبەتی لە ماڵپەری ئیدنیپێندێنتی بەریتانی بڵاوکردووەتەوە و تێیدا باس لە بارودۆخی مرۆیی و زیانەکانی ئۆپەراسیۆنی چڵە زەیتوونی تورکیا بۆسەر مەدەنییەکانی عەفرین کردووە.[2]
- فڕۆکە جەنگییەکانی سوپای تورک، لە گوندی گوبەلێگوبەلێ-ی سەر بە شارۆچکەی شێراوا لە کانتۆنی عەفرین، کۆمەڵکوژییەکیان پێکهێنا.[5]
- ئێوارەی ئەمڕۆ، شەڕڤانانی هێزەکانی سوریای دیموکرات-قەسەدە، لە دەوروبەری گوندی عەلی بیسکاعەلی بیسکا-ی سەر بە شارۆچکەی ڕاجۆ لە عەفرین، تانکێکی دیکەی سوپای تورکیان تێکشکاند.[5]
- هاوسەرۆکایەتیی خۆبەڕێوبەریی دیموکراتی کانتۆنی عەفرین، داوای پشتگیریکردنی عەفرین-ی بەرامبەر هێرشەکانی سوپای تورک، ئاراستەی جیهان کرد.[5]

- شەوی ڕابردوو پەرلەمانتاری هەدەپە هودا کایا کاتێک لە پشوودا بوو، لە هۆتێلی تێرمالی لەلایەن بەڕێوبەرایەتی ئاسایشی ئیزمیر و ئافیۆن دەستگیر کرا. هاوکات هەواڵی دەستگیرکردنی کایا لەلایەن پەرلەمانتارێکی دیکەی هەدەپە بەناوی نادیر یڵدرم لە ڕێگەی تۆڕی کۆمەڵایەتی تویتەرەوە بڵاوکرایەوە.
- دوای دیارنەمانی بۆماوەی هەشت ڕۆژ، شەوی ڕابردوو تەرمی بورهان ئۆزەڤلی، ئەندامی ئەنجومەنی شارەوانی شارۆچکەی سارا لەسەر پشکی DBP، لە شارۆچکەی مەرەشە دۆزرایەوە.

- سەرلەبەیانی ئەمڕۆ تەرمی 3 پیاو لە ناوچەی باوەی سەربە شارەدێی لەیلان دۆزرایەوە، نیشانەی گوللە بەسەریانەوە دیارە.
- ئاشتی هەورامی وەزیری سامانە سروشتییەکانی حکوومەتی هەرێم بۆ ماڵپەڕی فەرمیی پارتی ڕایگەیاند: وەزارەتی سامانە سرووشتییەکان گرێبەستی لەگەڵ هیچ کۆمپانیایەکدا نەکردووە، بۆ دابینکردنی موچەی فەرمانبەران و ئەوەی کە باس دەکرێت تەنها دەنگۆیە و دوورە لە ڕاستییەوە.
- ئەنجومەنی ئاسایشی نەتەوەیی تورکیا، کۆبوەوە و بڕیاری بەردەوامبوونی ئۆپەراسیۆن و شەڕی لەبەرامبەر کورد دا‌و ئاشکراشی‌ کرد کە نابێت پەیەدە لە داهاتووی سوریادا، خاوەن ڕۆڵ بێت.

باشووری کوردستان
- چەکدارانی داعشداعش هێرشیان کردە سەر خاڵەکانی هێزی پێشمەرگەی کوردستان لە گوندی خەرائیج و هێزەکانی پێشمەرگەش بەپشتیوانی فڕۆکە جەنگییەکانی هاوپەیمانان هێرشەکەیان تێکشکاند و دوازدە کوژراویان لێکەوتووتەوە و شەش تەرمیشیان کەوتوونەتە دەستی پێشمەرگە.
- هێزەکانی پێشمەرگە و پەکەکە، لە بۆسەیەکدا ژمارەیەک چەکداری داعش دەکوژن و 12 تەرمیشیان کەوتە دەستی هێزەکانی پێشمەرگە.
- سێ بوومەلەرزەبوومەلەرزە کە بەرزترینیان پلە 3ی پێوەری رێختەر بوو لە سلێمانیسلێمانی و دەوروبەریدا.

- لەئێوارەی دوێنێ دوشەممەوە بارانێکی بەهێز شاری هەولێری گرتۆتەوه و بۆتە هۆی دروسنبونی لافاو و زۆربەی شاڕێ و شەقامەکانی شاری هەولێر گیراون و ئاستەنگی هاتوچۆ بۆ هاوڵاتیان و شۆفێران دروستبووه و چەندین ماڵ و دوکانیش ئاویان تێچووە.
- بەهۆی باران و لافاوەوە دوو منداڵ لە ناحیەی باعەدرێی سەر بە پارێزگای دهۆک، ئاو بردنی و دوای گەڕانێکی زۆر توانرا تەرمی منداڵێک بدۆزنەوە.
- بە هۆی رووچوونی زەوی لەیەکێک لەگوندەکانی سنووری سەر بە شاری سەردەشت دوو کەس گیانیان لەدەست دوو کەسی تریش بریندار بوون.

باشووری کوردستان
- بەهۆی تەقینەوەی بۆمبێکی چێنراو بە ئۆتۆمبیلی موختار (ئەحمەد تەقی بەیاتی) بەسەختی برینداربوو و لە نەخۆشخانەی ئازادی کەرکوککەرکوک گیانی لەدەستدا.
- بە هۆی لافاوەوە بیست ماڵ لەسنووری شارۆچکەی سۆرانسۆران ژێرئاو دەکەونو چوار خانووش رووخان.

⚠️ Այս տարրը ըստ Kurdipedia ի (📏 Ստանդարտների) չի վերջնական դեռ!

⚠️ Այս տարրը ըստ Kurdipedia ի (📏 Ստանդարտների) չի վերջնական դեռ!

- تەقینەوەی چەند گوللە هاوەنێک لە شاری دهۆک لەلایەن تیرۆریستە عەرەبەکانەوە و بووە هۆی برینداربوونی 4 کەس.
- تەقینەوەی چەند گوللە هاوەنێک لە شاری هەولێرلەلایەن تیرۆریستە عەرەبەکانەوە و هیچ زیانێکی گیانیی لێنەکەوتەوە.

- هێرشی فڕۆکەکانی تورک، بۆسەر ئۆردوگای زەڵێ، کە بنکەی پێشمەرگەکانی پککی لێیە، لە ئەنجامدا 22 کەسی گوندەکانی نۆکان و شێنێ شەهید بوون و 7 پێشمەرگەی پککش شەهید بوو، جگە لە بریندارکردنی 10 کەس، یەکێک لە فڕۆکەکان کەوتنە خوارەوە و دووانی تریش پێکران.

- بەرەی کوردستانی، دادگای باڵای کوردستانی لابرد.

⚠️ Այս տարրը ըստ Kurdipedia ի (📏 Ստանդարտների) չի վերջնական դեռ!

⚠️ Այս տարրը ըստ Kurdipedia ի (📏 Ստանդարտների) չի վերջնական դեռ!

⚠️ Այս տարրը ըստ Kurdipedia ի (📏 Ստանդարտների) չի վերջնական դեռ!

⚠️ Այս տարրը ըստ Kurdipedia ի (📏 Ստանդարտների) չի վերջնական դեռ!

⚠️ Այս տարրը ըստ Kurdipedia ի (📏 Ստանդարտների) չի վերջնական դեռ!

⚠️ Այս տարրը ըստ Kurdipedia ի (📏 Ստանդարտների) չի վերջնական դեռ!

⚠️ Այս տարրը ըստ Kurdipedia ի (📏 Ստանդարտների) չի վերջնական դեռ!

⚠️ Այս տարրը ըստ Kurdipedia ի (📏 Ստանդարտների) չի վերջնական դեռ!

⚠️ Այս տարրը ըստ Kurdipedia ի (📏 Ստանդարտների) չի վերջնական դեռ!

- سمکۆ نامەیەکی بۆ شێخ مەحمودی حەفید نارد.