[1]

ئێوارەی ئەمڕۆ هەینی #26-01-2024# مەسرور بارزانی سەرۆکی #حکومەتی هەرێمی کوردستان# پەیامێکی لەبارەی ئەو هێرش و پەلامارە هەمەجۆرانەی دەکرێنە سەر هەرێمی کوردستان بڵاو کردەوە و دەڵێ هەوڵی دوژمن و نەیار و خائینانە بۆ نەهێشتنی قەوارەی هەرێمی کوردستان.

=KTML_Bold=دەقی پەیامەکەی سەرۆکی حکوومەتی هەرێمی کوردستان=KTML_End=
ئەو هێرش و پەلامارە هەمەجۆرانەی دەکرێنە سەر هەرێمی کوردستان، هەوڵی دوژمن و نەیار و خائینانە بۆ نەهێشتنی قەوارەی هەرێم و پێیان وایە بەم هێرش و فشارە بەردەوامانە، کوردستان هەرەس دەهێنێت.
خەڵکی تێکۆشەر و نیشتمانپەروەر و حکوومەتی هەرێمی کوردستان، ئیرادەیان زۆر لەوە بەهێزترە کە بە پیلان و ستەمکاری بشکێن، بەڵکوو ورەمان بەهێزتر دەبێت و لە ئەنجامدا، تەنیا شکست و ڕووڕەشی بۆ دوژمن وخائینان دەمێنێتەوە.
سوپاسی هاوخەمی و هەڵوێستی وڵاتانی دۆست دەکەین، کە بەردەوام ئەم هێرشانەیان شەرمەزار کردووە، بەڵام بە لێدوان و شەرمەزارکردن، کۆتایی بەم پیلان و هێرشە ناڕەوایانە نایێت و ڕێگری لە دووبارەبوونەوەیان ناکات.

گرنگە هەنگاوی کرداری لە لایەن حکوومەتی عێراقەوە بنرێت بۆ کۆتاییهێنان بە مەترسیی ئەم گرووپە لەیاسادەرچووانە و دەبێ ئاسایشی هەموو عێراق، بە هەرێمی کوردستانیشەوە بپارێزێت.
داوا لە وڵاتانی دۆستیش دەکەین، کە ڕێکاری جدی بگرنەبەر و هاوکاری مەیدانیمان بکەن، بۆ ئەوەی ئاسایشی خەڵکی ئێمە و ئاسایشی ئابووری و سەقامگیری سیاسی لە هەرێمی کوردستان پارێزراو بێت.
داوا لە خەڵکی کوردستانیش دەکەم، بە خۆڕاگری و ورەیەکی بەرزەوە، ڕووبەڕووی ئەو پیلانانە ببنەوە و هەستی نیشتمانپەروەرییان هەر بەهێز بێت و ڕێگە بە خۆفروش و خاکفرۆش و کۆیلەی ناحەزان نەدەن، کوردستان و خەبات و دەستکەوتەکانی، بکەنە قوربانی ترسنۆکی و تەماعی و بێویژدانیی خۆیان.
داواکارم خوای گەورە، هێزی زیاترمان پێ ببەخشێت، تاکوو بەردەوام بین لە درێژەدان بە ڕێبازی پیروزی کوردایەتی و وەفاداری بو خوێنی شەهیدان و پشت و پەنامان بێت بەرەو سەرکەوتن. [1]

#مەسرور بارزانی#
سەرۆکی حکوومەتی هەرێمی کوردستان
#26-01-2024#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

جێگری سەرۆکی پەرلەمانی عێراق بە توندی ئیدانەی بە ئامانجگرتنی کێڵگەی غازیی کۆرمۆر دەکات و داوای لە حکوومەتی فیدراڵی کرد رێوشوێنەکان بگرێتەبەر لەپێناو دانانی سنوورێک بۆ دووبارەنەبوونەوەی دەستدرێژی بۆ سەر دەزگا مەدەنی و گرنگەکان.
#شاخەوان عەبدوڵڵا#، جێگری سەرۆکی پەرلەمانی عێراق راگەیەندراوێکی بڵاوکردەوە و رایگەیاندووە: بەتوندترین شێوە سەرکۆنەی بەئامانجگرتنی کێڵگەی غازیی کۆرمۆر دەکەین کە بە فڕۆکەی بێفڕۆکەوان ئەنجامدرا لە پارێزگای #سلێمانی#، کە بووە هۆی بڕینی کارەبا لە هاووڵاتییانی چەند ناوچەیەکی هەرێمی کوردستان. ‌
شاخەوان عەبدوڵڵا لە پەیامەکەیدا داوای لە حکوومەتی فیدراڵی کردووە، رێوشوێنی پێویست بگرێتەبەر لەپێناو دانانی سنوورێک بۆ دووبارەنەبوونەوەی ئه و دەستدرێژییانە بۆ سەر دەزگا مەدەنی و ژیارییەکان، کە بووەتە هۆی دروستکردنی مەترسی راستەقینە بۆ سەر ئاسایش و سەقامگیری. هەروەها بە پێویستی زانی سەرکێشی لایەنە لەیاسادەرچووەکان رابگیرێت و لێپرسینەوەیان لەگەڵدا بکرێت. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=