لێدوانێک لە ژوری ڕۆژنامەوانی بزوتنەوەی گۆڕانەوە
ئەمڕۆ پێنجشەمە (25ی حوزەیرانی 2020) ڕۆژنامەنوس هێمن مامەند زانیارییەکی لە سۆشیال میدیا بڵاوکردۆتەوە، کە گوایە پارتی 20 ملیۆن دۆلار قەرزی بزوتنەوەی گۆڕان دەداتەوە.
لەو بارەیەوە، پێویستە بڵێین:
یەکەم: سەرتاپای زانیارییەکە ناڕاستەو جگە لە بوختان و چەواشەکاری هیچی تر نییە.
دوەم: بزوتنەوەی گۆڕان لەپێناو هەنگاونان بەرەو چاکسازی ڕاستەقینە بەشداری ئەم کابینەیەی حکومەتی کردوە. مانەوەو نەمانەوەی تەنها بەندە بە جێبەجێکردنی کارنامەی کابینەکەوە.
سێیەم: بزوتنەوەی گۆڕان بەردەوام قەڵایەکی پۆڵایین بوەو دەبێت بۆ داکۆکیکردن لەئازادی ڕادەربڕین و کاری ڕۆژنامەنوسی، بەڵام بەهۆی بەردەوامی هێرشە ناڕەواکان کە دیارە بەمەبەستی سیاسیی ئاڕاستە دەکرێن و لەپێناو دەرکەوتنی ڕاستییەکان بۆ خەڵکی کوردستان، ناچارین لە هەفتەی داهاتوەوە لە ڕێی ژوری یاساییەوە سکاڵای یاسایی لەسەر ئەو بوختان و زانیارییە چەواشەکاریانە تۆمار بکەین. هیوادارین لەچوارچێوەی ڕێزگرتن لە ئازادییەکان و ڕاستگۆیی کاری میدیایی، ئەو بەڕێزانە بەڵگەکانیان بخەنە بەردەم دادگاکان.
#25-06-2020#
This item has been written in (کوردیی ناوەڕاست - Central Kurdish) language, click on icon
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 1,926 times
Write your comment about this item!