دەقی پرسەنامەکەی کەجەکە:
بە داخ و پەژارەیەکی زۆرەوە هەواڵی کۆچی دوایی کەسایەتی شۆڕشگێر و ئازادیخواز و پێشەنگی گەلەکەمان خوالێخۆشبوو قادری حاجی عەلی-مان پێشگەیشت. لە دەستدانی کاک قادری حاجی عەلی خەسارەیەکی مەزنە بۆ تێکۆشانی سیاسی و دیمۆکراسی و ئازادیخوازی لە باشوری کوردستان.
کاک قادری حاجی عەلی لە هەموو وێستگەکانی ژیانی شۆڕشگێریدا داکۆکی لە ئازادی و یەکسانی و مافپەروەری کردووە و وەکو کەسایەتیەکی نەتەوەیی لە بنەماڵەیەکی نیشتمانپەروەردا ڕۆڵی مەزنی هەبووە لە دەستکەوتە سیاسی و دیمۆکراسیەکانی گەلەکەماندا.
یاد و بیرەوەری کاک قادری حاجی عەلی لە تێکۆشانی ئازادیخوازی و عەدالەتخوازی گەلەکەماندا هەمیشە بە زیندوویی دەمێنیتەوە.
بە خەم و پەژارەیەکی زۆرەوە پرسە و سەرەخۆشی خۆمان ئاراستەی ڕای گشتی گەلی کوردستان و بە تایبەت بنەماڵەی سەربەرزی کاک قادری حاجی عەلی و هەموو هاوڕێ و هاوسەنگەرانی لە یەکێتی نشتیمانی کوردستان و بزوتنەوەی گۆڕان دەکەین و خۆمان بە خاوبەشی خەم و پرسەی هەموو لایەک دەزانین. داوا لە یەزدانی مەزن دەکەین ڕۆحی بە بەهەشتی بەرین شاد بکات و دڵنەوایی و سەبووری بە هەموو لایەک بدات.
کۆمیتەی پەیوەندیەکانی کۆما جڤاکێک کوردستان-کەجەکە[1]
This item has been written in (کوردیی ناوەڕاست - Central Kurdish) language, click on icon
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 1,910 times
Write your comment about this item!