ناڤ : غازی
نسناڤ : غازی بامەڕنی
ناڤێ بابی: عەبدوڵڵا
ساڵا ژدایکبوونێ: 1942
ڕێکەفتا وەغەرا داویێ: #15-12-2020#
جهێ ژدایکبوونێ: باژێڕوکێ #بامەڕنی# باژێڕێ#دهوک#
جهێ وەغەرا داویێ: پاریس، فەڕەنسا
$ژیاننامە$
غازی عەبدوڵڵا بامەرنی، یێ بەرنیاس ب ب غازی بامەرنی ل ساڵا 1942 ل باژێڕوکێ بامەرنێ - یا سەر ب پارێزگەها دهوکێ ژدایکبوویە، خوەندنا سەرەتایی و ناڤەندی ل #ئامێدی# تمام کرییە، پشترە چوویە بەغدا و وێرێ پەیمانگەها هونەرێن جوان تمام کر و ل ساڵێن 1971 هەیا 1977 ل باژێڕێ#سلێمانی# ژیایە و ئێکەک بوو ل دامەزرێنەرێن تیپی نواندنا سلێمانی، کو باشترین و بناڤو بانگترین شانۆگەری و درامایێن تەلەڤزیۆنی ئێن کوردی بەرهەم ئانینە.
هونەرمەند عومەر دڵپاک، ل نزیک غازی بامەڕنی ناسیە و کار دگەل وی کرییە، ئەو دبێژیت: پشتی کوو غازی بامەڕنی هونەرێن جوان ل بەغدا تمام کر، ل ئامادەییا سلێمانی بوویە ماموستا و ل تیپی نواندنا سلێمانیش بوویە ئەندام.
گوت ژی، غازی ب تەنێ کارێ دەرهێنانێ دکر، نەک کارێ ئەکتەری، لوی هەیامەی کو ل سلێمانی بوو ل ساڵا 1971 هەیا ساڵا 1977، شانۆیا کوردی پێشکەفتن و گەشەیەکە دیار ژخوەڕە دیت، کو چەندین شانۆگەری و درامایێن تەلەڤزیۆنی ئامادە کرن.
دڵپاک ئیماژە بوێ چەندێ دکەت کو ئێکەم کارێ دەرهێنانا غازی بامەڕنی شانۆگەریا ب نرخا ئازادی بوو ل ساڵا 1971دا، کو پشترە ل ساڵا 1972دا ل تەلەڤزیۆنا بەغدا وەکە درامایا تەلەڤزیۆنی هات تومار کرن، هەر ل ساڵا 1972شدا کارێ دەرهێنان ژبو شانۆگەریا داوی مەرگ کر، هەر هەمان ساڵێش کارێ دەرهێنان ژبو درامایا تەلەڤزیۆنی من کێم؟ کرییە، ل ساڵا 1973دا کارێ دەرهێنانێ بو شانۆگەریا چاوی کوردستان کر، هەمان ساڵێ ژی شانۆگەریا کۆتایی زۆرداری ئامادە کر، کو ل تەلەڤزیۆنا بەغدا وەکە درامایەک تەلەڤزیۆنی هات تومار کرن.
ساڵا 1974 کارێ دەرهێنانێ بو درامایا تەلەڤزیۆنیا دزی زۆرزان کر، ل ساڵا 1974ێشدا کو تیپا شانویا سلێمانی ب شانۆگەریا شاخەوانی مەزن پشکداری ل ئێکەم فستەڤالا شانۆیا کوردی لسەر شانۆیا خولد کو غازی بامەڕنی دەرهێنەرێ وێ بووە، پلەیا ئێکەم بدەست ئانی. ل ساڵا 1975دا کارێ دەرهێنانێ بو درامایا تەلەڤزیۆنی فیلەکەی خاوەن شکۆ کر و هەر هەمان ساڵێ کارێ دەرهێنانێ ژبو شانۆگەریا ڕێرەوی گەل و درامایا مانگرتن کرییە.
دڵپاک دبێژیت ساڵا 1976 کو تیپا شانۆیا سلێمانی چوویە #کەرکووک# بو مەرەما تۆمار کرنا مانگرتن وەک درامایەک تەلەڤزیۆنی، دەسەڵاتدارێن #بەعس# داخواز ل غازی بامەڕنی یێ دەرهێنەر کر کو درووشمێن حزبا بەعس وەکە وەحدە و حریە و ئیشتراکییە ل دوماهیکا درامایێ دە بهێنە گوتن دەمێ کو کرێکار مان دگرن، لێ غازی بامەڕنی هەڵوستەک جامێرانە هەبوو و ڕازی نەبو، سەرباری هندێ کوو دوو دیمەن ژی لێ هاتبوونە تومار کرن، لێ لسەر ئەڤێ چەندێ تمام نەکر.
گوت ژی ب باوەڕیا من ئەڤ ئاستەنگا کو کەفتییە بەردەما غازی ل تەلەڤزیۆنا کەرکووک د دەمێ درامایا مان گرتندا، کو داخواز لێهات کرن درووشمێن حزبا بەعس هەبنن، سەبەبێ سەرەکە بوو هێڵانا وڵات و ئەو بوو ل دەستپێکا 1977دا بەرێ خوە کرە وڵاتێ فەرەنسا ب مەرەما خوەندنێ.
غازی بامەڕنی پشتی کو ساڵا 1977دا دچیتە فەرەنسا، ل پاریس باوەڕنامەیا ماستەر و دکتۆرا ل بوارێ شانۆدا وەردگریت و چەندین پەرتووکان دەربارێ ئەحمەدێ خانی و دەروێشێ عەبدی و چیرۆکا عەیشا بێتاری دنڤیسیت.
بامەڕنی ل ساڵا 2008دا ئێکجاری ڤەدگەڕێت کوردستانێ و ل پشکا شانۆیا کۆلیژا ئاداب یا زانینگەها دهوکێ دبیتە ماموستا. لڤی ماوەیەشدا شانۆگەریا مەم و زین ئامادە کرییە.
هونەرمەندێ شانۆکار غازی بامەڕنی، ژبو چارەسەر دچیتە باژێڕێ پاریس و ل ڕێکەفتا 15-12-2020 ل فەڕەنسا وەغەرا داویێ کرییە.[1][2]