$رۆژهەڵاتی کوردستان$
- کۆچی دوایی نووسەر و مێژوونووس #مەلا ئەحمەد نەزیری# لە #سنە#.[4]
$باشووری کوردستان$
- بەرێوەبەری بەنداوی #دەربەندیخان# ئاشکرایدەکات ئه و درزانەی بەهۆی بوومەلەرزەوە لەسەر کۆنکرێتی بەنداوەکە دروستبوون، چارەسەر کراون و لەئێستادا مەترسی لەسەر ئه و بەشە نەماوە کە تایبەتە بە کۆکردنەوەی ئاو.[1]
- لە شارەدێی شۆڕش لەلایەن کەسێکی نەناسراوەوە دەستڕێژی گووللە لە دوو گەنج کرا، دەستبەجێ کەسێکیان گیانی لەدەستدا.[1]
- ئێوارەی ئەمڕۆ ڕێکخراوی چاند و هونەری باشوری کوردستان لە ئۆفیسی خۆیان لە شاری #سلێمانی#، بەیاننامەیەکیان لەسەر گەمارۆی سەر کامپی پەنابەرانی شەهید ڕۆستەم جودی لە شارۆچکەی #مەخموور# بڵاوکردەوە.[3]
- بەهۆی جێبەجێکردنی پڕۆژە یاسایەکەوە 250 هەزار کورد لە هەڵبژاردنی نیسانی داهاتوو بێبەشدەکرێن، سەرۆکی لیژنەی ناوچە کوردستانییەکانی پەرلەمانیش دەڵێت: دژی بێبەشکردنی کوردانی ناوچە کوردستانییەکانی دەرەوەی ئیدارەی هەرێم، سکاڵا لە دادگای فیدڕاڵی تۆماردەکەین.[1]
- ئێوارەی ئەمڕۆ ڕێکخراوی کوردیۆ فێستیڤاڵێکی تایبەتی بە نمایشکردنی کاری دەستی ژنان لە #سەیدسادق# کردەوە لە فێستیڤاڵەکەدا شانۆگەرییەکی تایبەت بە منداڵان نمایشکرا و گروپی هەڵپەڕکێی ڕێکخراوی کوردیۆ چەند تابلۆیەکی هەڵپەڕکێیان پێشکەش کرد.[3]
$دەرەوەی کوردستان$
- سەرۆک کۆماری ئەمریکا لەتویتێکیدا جەختلەوە دەکاتەوە وڵاتەکەی هیچ ڕۆڵێکی لە شکستهێنانی تاقیکردنەوەی موشەکەکەی پێگەی ئاسمانی سمناندا نەبووە.[2]