- وەزیری نەوتی عێراقی (عەبدولجەبار لعێبی) ئاشکرایکرد، عێراق و ئێران یاداشتێکی هاوبەشیان لەسەر هەناردەرکردنی نەوتی خاوی #کەرکووک# لەڕێگەی ئێرانەوە بۆ بازاڕەکانی جیهان واژۆ کرد و بڕیارە توێژینەوەکان لە بارەی دروستکردنی بۆری هەناردەی نێوان هەردوو وڵات تاوتوێ بکرێت.[1]
- لەشاری ئایدنی تورکیا شەش خوێندکاری ئایینی قۆناغی ناوەندی تەمەن 14ساڵ بەتۆمەتی هەڵپەڕکێ و گوێگرتن لەگۆرانی کوردی لەلایەن بەڕێوەبەرایەتی قوتابخانەکەیان دراونەتە دادگا.
- وەزیری گواستنەوەو گەیاندن لەسەر پرسی ڕاگرتنی ڕیسیڤەری پەخشی کەناڵە ناوخۆییەکان لەدەوروبەری هەولێرو گرانبونی نرخی خزمەتگوزاریەکان ڕایگەیاند، هیچ کەس و کۆمپانیایەک مافی ئەوەی نیە خزمەتگوزاریەکان له تەنها یەک کۆمپانیای دیاریکراودا قۆرخ بکات.
- بەرپرسێکی باڵای سەربازی ئەمەریکا مەزەندەی ئەوە دەکات لە ڕۆژئاوای شاری #موسڵ# 2 هەزار چەکداری #داعش# مابن و بەرگریی لە پێگەکانی خۆیان بکەن لەبەرامبەر ئەو ئۆپەراسیۆنەی هێزە عێراقییەکان دەستیان پێ کردوە.
- 100 دۆلار بەرانبەر 127 هەزار و 250 دینارە، بەپێی کاتی داخستنی بازاڕ ئێوارەی ئەمڕۆ دووشەممە.[2]
- یەکینەکانی پاراستنی گەل (#یەپەگە#)، ڕایدەگەیەنێت، کە هێرشەکانی دەوڵەتی تورک بۆ سەر ناوچەکانی ڕۆژئاوا و باکوری سوریا بەردەوامی هەیە و دەشڵێت: بەهۆی ئەو هێرشانەوە لە #عەفرین# شەڕڤانێکمان شەهید بووە.[3]
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 8,534 times
Write your comment about this item!