$باکووری کوردستان$
- دوای ئەوەی ژمارەیەک لە کەسی فاشیست لە شاری ستراسبۆرگی فەرنسا، هەوڵیاندا هێرش بکەنە سەر ئەو چالاکییەی، کە بۆ زانینی دۆخی تەندروستی #عەبدوڵڵا ئۆجالان# ڕێبەری #پەکەکە# ڕێکخراوە، پۆلیسی فەرنساش هێرشی کردە سەر بەشداربووانی چالاکییەکە، لە هێرشەکەدا 7 چالاکوان دەستگیر کران و چەند کەسێکیش برینداربوون.[4]
$باشووری کوردستان$
- درەنگانی شەوی ڕابردوو، لە شاری #سلێمانی# تەقە لە بارەگای لق و ناوچەی چواری پارتی لە شاری سلێمانی کرا.[1]
- سەرۆکوەزیرانی عێراق لەبارەی هێزی پێشمەرگە دوو بژاردە دەخاتە بەردەم حکومەتی هەرێمی کوردستان و دەڵێت، یان دەبێت ببنە بەشێک لە هێزی بەرگریی عێراق، یان دەبێت ژمارەیان کەمبکرێتەوە و ببنە هێزێکی لۆکاڵی، حکومەتی هەرێمی کوردستانیش خۆی مووچەیان بدات.[2]
- دادگای بەرایی سلێمانی ئەنجامی دوا پشکنینی (مریەم باروتجیان - هاوناز) ئاشکرا دەکات کە بە هاوناز ناسراوەو یەکێک بوو لە ونبووەکانی ڕوداوی #کیمیاباران#ی #هەڵەبجە# و ڕایدەگەێنێت کە ئەو کچە ئەندامی ئەو خێزانەی هەڵەبجە نییە کە پێشتر دەرکەوتبوو منداڵی خێزانێکی ئەو شارەیە.[3]
- پەڕڵەمانی ئێڕاقی وەک کاردانەوەیەکی ئاهەنگەکانی #ڕیفراندۆم#ی باشووری کوردستان، بڵندکردنی ئاڵای #ئیسرائیل#ی بە تاوان ناساند.[1]
- دەزگای ستراتفۆر، کە دەزگایەکی هەواڵگری ئەمریکیە پێشبینیەکانی لەبارەی پێشهاتە سیاسیەکانی هەرێمی کوردستان بڵاوکردەوە و دەڵێت هەرێمی کوردستان بەمنزیکانە لەلایەن چەند سەرکردەیەکی نوێوە بەڕێوەدەبرێت، بەڵام هەرێمەکە ڕووبەڕووی کێبڕکێ و دابەشکاری کۆمەڵایەتی دەبێتەوە.[5]
- #فرسەت سۆفی#، پەرلەمانتاری #پارتی دیموکراتی کوردستان# ڕەتیدەکاتەوە هێرشی کردبێتە سەر #ڕابون مەعروف# و ڕایدەگەیەنێت کە تەنیا پێوتووە داوای لێبوردن بکات تا توڕەیی خەڵک کەم بێتەوە.[5]
- بڕیاردەری لیژنەی دارایی پەرلەمانی عێراق ڕاگەیاند، پشکی بەشە بوودجەی هەرێمی کوردستان، لە پرۆژە بودجەی ساڵی 2018 کەمکراوەتەوە بۆ سەدا 12، 67 ناوی حکومەتی هەرێمی کوردستانیش گۆڕدراوە بۆحکومەتی پارێزگاکانی کوردستان.[6]
- وتەبێژی حکومەتی هەرێم ڕایدەگەیەنێت، هیچ کاتێک بەشە بودجەی کوردستان لەلایەن حکومەتی عێراقەوە ڕێژەی 17% نەبووە، بەڵکو زۆر کەمتر بووە.[3]
- #سەندیکای ڕۆژنامەنووسانی کوردستان# ئیدانە و سەرکۆنەی شەهیدکردنی ڕۆژنامەڤان #ئەرکان شەریف# لە داقووق دەکات. هاوکات سەرکۆنەی هێرشکردنە سەر ڕۆژنامەڤان و پەیامنێرانی کەناڵەکان لە پەرلەمانی کوردستان دەکات.[2]
- #حەیدەر عەبادی# ڕایگەیاند: بەمزوانە #موچە#ی پێشمەرگە و فەرمانبەرانی هەرێم دەدەین.[1]
$رۆژئاوای کوردستان$
- شەڕڤانانی هێزەکانی سوریای دیموکرات لە شاری مەیادین چوار ژن و کورێکی گەنجیان لە چنگی چەتەکانی #داعش# ڕزگارکرد، کە لە ڕۆژی 3ی ئابی 2014دا ڕفێندرابوون و ئەو گەنجانە خەڵکی شارەدێی #خانەسۆر#ی سەربە #شەنگال#ن.[4]
کوردیپێدیا، ڕۆژانە بێلایەنانە مێژووی کوردستان تۆماردەکات...
التسلسل الزمني للأحداث