- دامەزراندنا سوپایێ داگیرکەری ئیراقێ، ژئالێ حاکمێ بەریتانی کوو دەسهەڵاتدارێ وی سەردەمێ ئیراقێ بوون.
چاردە ئەفسەرێن دەرچوو ژ مەدرەسەیا حەرب یا عوسمانلی کو هەشت کەس ژوان چاردە کەسێن دەرچوو کورد بوون.
ل شەشێ ڕەش یا کانوونا دووهەم یا ساڵا 1921 دا پشکداری ل درووست کرنا ئێکەم فەوجا سوپایێ ئیراقێ کر و ئەڤ سووپایە بوویە بناغەیا سوپایەکێ داگیرکەر و کورد کوژ یێ حکومەتا ئیراقێ.
ئەڤە ژی ناڤێ ئەوان هەشت ئەندامێن کوردێن دەرچوو ژ مەدرەسەیا حەربا عوسمانلی کوو پشکدار بوون ل درووست کرنا ئێکەم فەوجا سوپایێ ئیراقی :
ئێکەم: لیوا ڕوکن #جەعفەر عەسکەری#.
دووهەم: ڕائید #تۆفیق وەهبی# بەگ.
سێهەم: نەقیب #محەمەد ئەمین زەکی بەگ#
چارەم: ڕائید یاسین حیلمی سەلمان هاشمی (ئەڤی کەسەی خوە ب کورد نەدایە نیاسین)
پێنجەم: ڕائید #بەکر سدقی# شەوقی عەسکەری
شەشەم: عەقید عەبدولحەمید ئەحمەد
حەفتەم: ڕائید سەعید محەمەد
هەشتەم: نەقیب حەسەن حسێن عەسکەری
ئەوی سوپایێ کوو ئەڤان ئەفسەرێن کورد پشکداری ل دامەزراندنا وێ دە کر، بوو ب ئەو سوپایێ دڕندە کو کورد ئەنفال کرن و کیمیا و ژەهر بسەر باژێڕ و باژێڕوک و گوندەوارێن کوردان دە باراند.
سێ ژوان ئەفسەرێن کورد کوو خەلکێ گوندێ عەسکەر بوون و ئەڤ گوندە ژی چەندین جاران هات خاپوور و وێران کرن و کیمیایی بسەر گوند و ئاکنجیێن وێ دە باراند و سەرباری ڤان هەمی نەهاممەتییان بەر ئەنفالا ئەڤی سوپایێ دڕندە ژی کەفت.[1]
ئەو وێنەیێن کو دگەل بابەتی دە هاتینە هەڤپێچ کرن، وێنەیێ هەژمارەکا ئەوان سەربازێن فەوجا ئیمام موسایێ کازمە، کوو ئێکەم فەوجا سوپایێ ئیراقی بوو کو ل #06-01-1921# دا ب بڕیارا حاکمێ بەریتانی کوو وی سەردەمەی دەسهەڵاتدارێ ئیراقێ بوو ژئالێ دەستەیەک ئەفسەرو سەربازێن دەوڵەتا عوسمانی هات دامەزراندن.[2]