نامۍ: وریا
نازنام: وریا حەمەکەریم
نامۊ تاتەی: حەمەکەریم
ساڵۊ پېڎابییەی: 1987ز.
ڕۊ مەرڎەی: #06-02-2025#ز.
یاگۊ پېڎابییەی: #هەڵەبجە#
یاگۊ مەرڎەی: #عەربەت_ سلېمانی#
$ژیۋاینامە$
ڕۊنامەنویس و میدیاکار، وریا حەمەکەریم، ئەشناسیا بە نامۍ یەرەییەش، ساڵەو (1987ز.)، ساڵێ وەڵۍ کیمیاوانو شارەکەی ئامان دنیا، تاقانەو ئەڎا و تاتەیش بییەن، هەڵی تەمەنش چن مانگێ بییەن تاتەش بە دەسو ڕژېمو بەعسی زیڼەبەچاڵ کریان، وریا کاتێ چەمېش ئەپی دنیا جەنجاڵۍ هۊرئامێ شارو هەڵەبجەی دلۍ تەم و مژو جەنگێ یانەوېرانکەری ناوچەیینە ڕۊشناییش گوم کەرڎەبۍ. هەڵەبجە پېسە ناوچێ سەرحەیی چەنی هەر گرژیێ ڕامیاری میانو دۆڵەتە داگیرکەرەکانە کۆتەنەنە چېرو پۊساڵا داگیرکەراو بە ناپاڵم و خومپارۍ خەڵکەکەش قەتڵ و عام و دەربەدەر کریان. سەروەختو پېڎابییەی وریای شارو هەڵەبجەی تاریکایی جەنگو هەش ساڵەو میانو ئېراق - ئېرانی پۊژنابېرە، چەنی ئامای دنیا وریا، فرەش نەبەرد هەڵەبجە کۊت چېرو پەیا پاسدارا ڕژېمو ئېرانی و داگیرکریا. ڕژېمو بەعسی جە کاردایۆ ئا کەرڎەیەنە بە ناپاڵمۍ پەڕ خەردەلۍ و گازی کیماییۍ مەرگێ خېراش وارنا ملشەرە، وریا پېسە تەمامو زاروڵە ساواکا هەڵەبجەی بېبەش نەبی جە وەرکۆتەی ئا چەکە کوشڼەیە، تاتەش و بەشێ جە قۆم و قیلەکەیش شەهیڎۍ بیۍ و ئاڎیچ زامڎار بی. دمای ئاوارەبییەی چن ساڵەی، دماجار چەنی ئەڎێش گېڵێوە پەی شارە وېرانەکی، بەڵام ئا گرڎ نەگبەتیۍ و دەردیسەریۍ نەتاواشا زاروڵەکا هەڵەبجەی بە یەکجاری خنیکنا و نائومېڎېشا بکەرا، پەوکەی چەنی زاروڵا هەڵەبجەی لوانە دلۍ وانگای و قۊناغەکۍ وانایش بە سەرکۆتەیی بڕیۍ، دماجار بە حەزو وېش و پەی هۊشییارکەرڎەیۆ خەلکی دلۍ سۆشییال میدیاینە وېش ئېستۆ، پېسە پېخامکیانەرێ و پېشکەشکارێ سەرکۆتەی یاگە دەسش بە زوویی بەرکۆت. نیشاندای گرفتەکا خەڵکی و گېڵای شۊنەو چارەیشارە، بەرۋستەی گەڼەڵیەکا دەسەڵاتدارا و گەڼ وەرا، بە مەرامو مەحکەمکەرڎەی سیستەمو ڕاوەبەری کوردەسانی و فەراهەمکەرڎەی ژیوایێ خاستەری پەی خەڵکو کوردەسانی. وریا حەمەکەریم دلۍ کەناڵە ئاسمانییەکانە پەی ماوەرو دواڼزە ساڵا خزمەتش ئەپا مەرامیشە کەرد، بەڵام چەنی داخۍ، ساعبانەو (06-02-2025ز.) کاتو گېڵایۆش پەی شارو سلېمانی پەی پۊڕنای کارێ میدیای، سەرو ڕاو عەربەت _ سلېمانی, بە مەرامو یاردیدای کەسێ کە سەیارەکەش پەکەش کۆتېنە، بە نییەتو یاردیدایش و چارەکەرڎەو گرفتەکەیش، دەسو یاردیش پەی بەرۊن، بە قەدەرو خوڎای بارهۊرگیرێ مەرگی نیشۊ ملشا و گیان مسپارا، لاشەکەش بە مەراسیمێ شکۊمەڼانە بریاوە پەی زاڎگاو وېش، شارو هەڵةبجەی، ئەچاگە بە خاکیشا ئەسپارا.
وریا حەمەکەریم ماوەو ئا ساڵانە کە دلۍ دنیاو سۆشییال میدیاینە هەر، انەش کەردېنە، چڼیین بەرنامۍ سوودبەخشېش یاونێنۍ دلۍ یانەکا، دلۍ بەرنامەکاشەنە ئەشناسای بەشێ فرەو دەگا وشارەکڵا و ناوچەکانو کەرڎەسانیش پېشکەشو وینەرا کەرڎەن، ئاشنێش کەردېنۍ بە داب و نەریت و باوەکاشا، چەنی ئانەیچە وەشیێ و فەرەحێش وستېنە دلۍ دڵو وینەرەکا.
پەی ئی مەرگە خەفەتبارەیە، ئاوێنەی خەیاڵ ماچۊ:
مەرگی وەهام قەت نەدیبوو
چ مەرگێ بوو، هەمووی گریا
کوا مەرگ لەوە شانازی تر
سەد خۆزگە من بام لە بریا
سەفەری وا سەختە و گران
خۆزگە ئێستا، خۆت دەتبینی
بۆ کۆچەکەت، نیشتمانت
سەرانسەر بووە، ماتەمینی
بۆت خەمبارن گەورە و بچوک
هیوای بێ نازی تاقانە
خۆشەویستیت، بە جۆرێکە
دورری زەمین و ئاسمانە
بۆ ئازیزان، زۆر گریاوم
کۆچەکەی تۆش گریاندمی
ئاخ و داخ بوو خەبەری وا
لە ناخەوە، هەژاندمی.
ئەسعەد ڕەشید.[1]