$باکووری کوردستان$
- دادگای باڵای تورکیا سزای 7 ساڵ و 6 مانگ زیندانیی بۆ #ئیدریس بالوکەن# پەرلەمانتاری پێشووی #هەدەپە# و ئەندامی شاندی دانوستانی ئیمراڵی پەسەند کرد.[2]
- پۆلیسی تورک لە ناوەندی #ئامەد# دیسانەوە هەڵیانکوتایەوە سەر ماڵی هاووڵاتییانی کورد و چەندین بەڕێوەبەری هەدەپە و دەبەپەیان دەستگیرکرد. لە ئامەد نەجمەدین بوراکماک هاوسەرۆکی هەدەپە لە باغلەر، وەهاب گیونای هاوسەرۆکی هەدەپە لە یەنی شەهیر، هالوک ئەیوب ئۆغڵو هاوسەرۆکی هەدەپە لە کایاپنار، عەلی ئالکان هاوسەرۆکی دەبەپە لە باغلەر، ڕەمەزان ئونگور بەڕێوەبەری هەدەپە و عوسمان دۆنا و سەعید دەمیر دەستگیر کران. پۆلیسی تورک بەڕێوەبەرە دەستگیرکراوەکانیان برد بۆ بەڕێوەبەرایەتیی ئاسایشی ئامەد و باس لەوەش دەکرێت ژمارەی دەستگیرکراوەکان لەوە زیاترە، کە تا ئێستا ئاشکرا بووە.[2]
$رۆژهەڵاتی کوردستان$
- #کۆڵبەر#ێکی کورد بە ناوی عەبدولقادر ساڵحیان کوڕی جەمیل و خەڵکی دزەی ناوچەی مەڕگەوەری #ورمێ# بە هۆی بەرکەوتنی فیشەکی هێزە حکوومەتییەکان کوژرا.[5]=KTML_ImageCaption_Begin==KTML_StyleDiv=width:20%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2018/161301/0014.JPG=KTML_ImageCaption_Title=عەبدولقادر ساڵحیان=KTML_ImageCaption_CaptionStyle=000000=KTML_ImageCaption_Caption=عەبدولقادر ساڵحیان=KTML_ImageCaption_End=
- ژمارەیەک لە کۆڵبەرانی کورد لە بەرزایییەکانی دالانپەڕ، دەکەونە بۆسەی هێزە نیزامییە حکوومەتییەکانەوە و لە ئاکامی تەقەی هێزە نیزامییەکاندا، کۆڵبەرێک بە ناوی عومەر نەبیزاد لە بەشی کەمەرییەوە بە توندی بریندار دەبێت.[5]
- لە #کرماشان# بەهۆی تەقەکردنەوە لە ئاهەنگێکی هاوسەرگیریدا، 30 کەس بوونە قوربانی.[1]
$باشووری کوردستان$
- پێش نیوەڕۆی ئەمڕۆ، بە ئامادەبوونی ڕۆژنامەنووسان و چین و توێژە جیاوازەکان، یادی پێنجەمین ساڵیادی تیرۆرکردنی ڕۆژنامەنوس #کاوە گەرمیانی#، لەسەر مەزارەکەی لە شارۆچکەی #کەلار# سەر بە ئیدارەی گەرمیان کرایەوە.[3]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2018/161301/0006.JPG=KTML_ImageCaption_Title=چالاکییەکانی پێنجەمین ساڵیادی تیرۆرکردنی کاوە گەرمیانی=KTML_ImageCaption_CaptionStyle=000000=KTML_ImageCaption_Caption=چالاکییەکانی پێنجەمین ساڵیادی تیرۆرکردنی کاوە گەرمیانی=KTML_ImageCaption_End=
- لە شارۆچکەی #ڕانیە# یادی پێنجەمین ساڵەی تیرۆرکردنی شەهیدی قەڵەم کاوە گەرمیانی کرایەوە و ئاماژە بەوە کرا، جگە لەوەی تا ئێستا تاوانبارانی پشتی ڕووداوەکە دەستگیرنەکراون، هاوکات دەبینین مەوداکانی ئازادیی و دیموکراسی ڕۆژ لەدوای ڕۆژ بەرتەسک دەکرێتەوه.[3]
- لە درێژەی چالاکییەکانی پێنجەمین ساڵیادی تیرۆرکردنی ڕۆژنامەنوس کاوە گەرمیانیدا، بە ئامادەبوونی ژمارەیەکی بەرچاو لە ڕۆژنامەنوسان و چالاکوانان و ڕۆشنبیرانی سنورەکە و شار و شارۆچکەکانی دیکە، لە هۆڵی بەڕێوبەرایەتی ڕۆشنبیری و هونەری گەرمیان لە شارۆچکەی کەلاری ناوەندی ئیدارەی گەرمیان، مەراسیمێک بۆ بەخشینی پێنجەمین خەڵاتی کاوە گەرمیانی بەڕێوەچوو. ئەمساڵ ئەو خەڵاتە بەخشرایە سەردار محەمەد ڕۆژنامەنوس لە شاری سلێمانی، کە نزیکەی 20 ساڵ ئەزموون و خزمەتی هەیە لە کاری ڕۆژنامەوانی و پێشخستنی میدیای ئەهلی و ئازاد دا و لە ئێستاشدا سەرنوسەری وێب سایتی ئاوێنه نیوزه، کە میدیایەکی سەربەخۆ و بێلایەنە.[3]
- لەگەڵ ئەوەی حکومەتی عێراق بڕیاری هەڵوەشاندنەوەی گومرگەکانی سنوری #کەرکووک# و نەینەوای دەرکردوە، بەڵام هێزە ئەمنییەکان پابەندی ئەو بڕیارە نابن و ڕێگەش نادەن بارهەڵگرەکان تێپەڕبن.[1]
- گەریلاکانی #هەپەگە# و یەژاستا سەرلەبەیانیی ئەمڕۆ لە دژی سەربازانی سوپای تورکیا لە شاخی لێلیکان چالاکییەکیان ئەنجامدا. بەهۆی ئەو چالاکییەوە سوپای تورکیا کوژراو و برینداری هەیە.[2]
- پۆلیسی سلێمانی دەستگیرکردنی ئەو کەسەی ئاشکرا کرد کە تەقەی لە دکتۆر کەمال ئەحمەد سەعید کرد. عەمید ئاسۆ شێخ تەها، بەڕێوەبەری پۆلیسی سلێمانی، لە کۆنگرەیەکی ڕۆژنامەوانی وتی: لە کەمتر لە 72 کاتژمێر هێزەکانمان توانیان ئەو تەقەکەرە دەستگیربکەن کە تەقەی لە د. کەمال ئەحمەد سەعید کرد بوو. وتیشی: ئەو کەسەی دەستگیرکراوە ناوی (ه.ع.ک)ە و لە دایکبووی 1982 و خەڵکی دەرەوەی سلێمانییە.[1]
- گەنجانی کەرکووک لە کۆنفرانسێکی ڕۆژنامەنووسیدا ڕاگەیاندراوێکیان بۆ ئیدانەکردنی بڕیاری داخستنی بارەگاکانی تەڤگەری ئازادی خوێندەوە و ڕایدەگەیەنن، ئەو بڕیارە، بڕیاری وڵاتانی دەرەکییە و حکومەتی هەرێمی کوردستان بەردەوامە لە جێبەجێکردنی ئەجندای سیاسیی ولاتانی دەرەکی کە دوایین بڕیاریان بڕیاری داخستنی بارەگاکانی تەڤگەری ئازادی بوو.[2]
- ماوەی زیاتر لە دوو مانگە مووچەی ژمارەیەک مامۆستای خۆیندنی کوردی لە شارۆچکەی #خورماتوو# لەلایەن کەسانی نەناسراوەوە دزراوە و تا ئێستاش قەرەبوو نەکراونەتەوە. بەوهۆیشەوە ئەمڕۆ ئەو مامۆستایانە بایکۆتیان ڕاگەیاند و لە لێدوانێکیشدا ئاماژەیان بەوەکرد،داواکارن #وەزارەتی پەروەردە#ی حکومەتی هەرێم لە زوترین کاتدا قەرەبوویان بکاتەوە و تاوانبارەکانیش بە زووترین کات دەستگیر بکرێن.[4]
- بەڕێوەبەری گشتی کشتوکاڵی #سلێمانی# ڕایدەگەیەنێت: بەهۆی زۆری بارانبارینەوە لەسەرجەم ناوچەکان پەڵەی داوە و دەتوانرێت جووت و داچاندن بکرێت.[1]
$رۆژئاوای کوردستان$
- کۆنفرانسی تایبەت بە گۆڕینی دیمۆگرافیا و تاوانەکانی دەوڵەتی تورک و چەتەکانی لە #عەفرین#، کۆتاییهات و ئەنجامنامەیەکی بڵاوکردەوە، داواکراوە فڕین لە ئاسمانی باکوری سوریا قەدەغەبکرێت تا ئەزموونی عەفرین دووبارە نەکرێتەوە، هەروەها کۆمیتەیەکی یاسایی دابمەزرێت، کە سکاڵاکان ڕادەستی دادگا نێونەتەوەییەکان بکات.[3]