تەها عەتیقی یێ خەلکێ باژێڕێ مەهاباد، خوەدی باوەڕنامەیا خوەندنێ باکالۆریۆسە، بێژەر و پێشکەش کارێ ڕادیۆ و تەلەفیزیۆنا ناڤخۆیی یا مەهابادێ بوو بەری ڕاپەڕینا گەلێن ئێرانێ ل ساڵا 1979 کوو وی سەردەمەی دژبەری حکومەتا شاهەنشاهی یا ئیرانێ هات ئەنجامدان و د ئەئجاما ئەڤێ شوڕەشی حکومەتا شاهەنشاهییا ئیرانێ ژناڤ چوو و ب ڕێبەراتیا خومەینی، حکومەتا نها کو کومارا ئیسلامییا ئیرانێ یە هات سەر حوکم.
هەر پشتی سەرکەتنا شوڕەش و ئاشکرەبوونا خەباتا حزبی، کاک تەها ئێک ژ وان کەسێن خوەندەوار و کاربدەست بوو کو بەرێ خوە کرە حزبا دەموکراتا کوردستانا ئیرانێ و ل ئۆرگانێن ناڤخویی ئێن ڕاگهاندنا حزبێ دە کارێ خوە کر. کەکێ تەها عەتیقی ژ بناغەدانەرێن ڕادیۆیا دەنگێ کوردستانا ئیرانێ و بێژەر و نڤیسەرێ هەمیشەیی ئێ ڕادیۆیێ بوو.
کەکێ تەها ژبلی کوو بەرپرسایەتی ل ڕادیۆیێ دە هەبوو، زور بەرنامە ژی پێشکەش دکرن، وەکە بەرنامەیا وەڵاما نامەیا گوهداران، شیکرن و بەحس کرنا بەرنامە و پێڕەوا ناڤخۆیا حزب، گووت و بێژ و وەرگێڕان.
کەکێ تەها ئێک ژ هەڤال و هەڤکارێن هەرە نزیکێن ڕێبەرێن شەهید بوو. ب تایبەت کاک دوکتور سادقێ شەڕەفکەندی ئێ نەمر.
پشتی کۆنگرەیا 4 یا حزبێ کاک تەها وەکە ڕاوێژکارێ کۆمیتەیا ناڤەندی یا حزبا دەموکراتا کورستانا ئیرانێ هات هەلبژاردن و پشتی هەیامەک و هەیا ئەوێ ڕوژا کو ژبو ژیانێ بەرێ زوە کرە دەرڤە بەرەڤ وڵاتێ سویسرا چوو هەیا دوماهیک روژێن ژیانا خوە ل وی وڵاتەی یێ ئاکنجی بوو، کادرەک دیار بوو و بەردەوام بوو ل سەر کار و خزمەتێ ژبوو ڕاگهاندنا ئەڤێ حزبێ.
ل 28-09-2009 تێکۆشەر و خەباتکار و خزمەتکار و گەل و نەتەوێ خوە ل ڕێزێن حزبا دەمۆکراتا کوردستانا ئیرانێ، نەمر تەها عەتیقی ل وڵاتێ سوئیس ب نەخوەشی وەغەرا داویێ کر.[1]