ناو: لەتیف
نازناو: شێخ لەتیف بەرزنجی
ناوی باوک: حامید
ساڵی لەدایکبوون: 1940ز.
بەرواری کۆچی دوایی: #22-02-1974#
شوێنی لەدایکبوون: #کفری#
شوێنی کۆچی دوایی: #کەرکووک#
$ژیاننامە$
شێخ لەتیف شێخ حامید بەرزنجی، لە ساڵی 1940ز. لە کفری لەدایک بووە.
لە ساڵی 1962ز. کۆلێژی ئادابی لە زانکۆی بەغدا تەواوکردووە، لە ماوەی ژیانیدا لە بواری ئەدەبیاتی کوردیدا کاریکردووە و چەندین ماستەرنامەش لەسەر بابەتەکانی نووسەر نووسراون و دیارترینیشیان ماستەر نامەی خوێندکار، سیروان عەبدولکەریم بوو بەناوی ئاشناکردنی چیرۆکی کوردی بەپێکهاتەی مۆدێرن لە ڕێگای جەیمس جۆیس.
بە تەمەنێکی کوورتەوە ناوێکی گەورەی بۆ خۆی تۆمارکرد و خزمەتێکی گەورەی بە ئەدەب و چیرۆکی کوردی کردووە، ئەو بە ڕچەشکێنی پێوەرە باوەکانی دەق نووسین هەژماردەکرێت و ڕابەرێکی دیاری چیرۆکنووسی سەردەمە، ڕچەی کۆنی چیرۆکی کوردی شکاند و پێشەنگایی بۆ خۆی تۆمارکرد، ساڵی 1962ز. دوای تەواکردنی زانکۆ لە بەسرە دەبێتە مامۆستا و لەڕووی وەرگێڕانەوە دەستێکی باڵای هەبووە و بابەتگەلێکی زۆری وەرگێڕاوە، خوێنەوار و زمانزانێکی باش بووە، زۆر سەرسام بووە بە وتار و نووسینەکانی #مام جەلال# کە ئەو کات بەناوی خوازراوی (پیرۆت) لەرۆژنامەی خەبات بڵاویکردووەتەوە، بەشێکی زۆری هۆنراوەکانی (گۆران و حاجی قادر و لەتیف هەڵمەت) و (چیرۆکەکانی سەدرەدین عارف) ی وەرگێڕاوەتە سەر زمانی عەرەبی و لە گۆڤار و ڕۆژنامەکانی ئەو سەردەمەدا بڵاوی کردووەتەوە، لە ژیانی خۆیشیدا حەوت چیرۆکی نووسیوە، لە تەمەنی 34 ساڵی و لە #22-02-1974#ز. بەهۆی نەخۆشی شێرپەنجەوە کۆچی دوایی کردووە و لە گۆڕستانی (شێخ محێدین) کەرکووک بەخاک سپێردراوە. بەشێک لە بەرهەمەکانیشی لە ڕێگای #شێرکۆ بێکەس#ەوە کۆکراونەتەوە. [1]