چی بچێنیت ئەوەی دەدورییەوە
چاندن و ڕواندن پیشەی وەرزێرو کشتیار و جوتیارە، هەر شتێک بڕوێنن هەر ئەوە دێتە بەرهەم، ئه و بوارە ڕاستەقینە بووە بەئیدیۆم، بۆ مەبەستی جۆراوجۆر بەکاردێت وەک توانج بەکەسێکی بەدکار دەوترێت کە لەڕابردوودا هەر کاری نابەجێی کردبێت و دووچاری کارێکی ناڕێک ببێتەوە و تێ بکەوێت، لەسەردەمی هەشتاکانی سەدەی ڕابردوو زۆرکەس دەبوونە جاش و دەستیان لەسەدان کون وکەلەبەران ڕادەکرد و کەس وکاری خەڵکیان بەکوشتن دەدا و لە ڕاپەڕینیش خۆیان بەرهەمەکەیان دوورییەوە و بەدەستی کەس و کاری قوربانیەکانەوە کوژرانەوە، یان هەندێک کوڕ و کچان زۆر بێ ڕێزی بەرامبەر داییک و باوکیان دەکەن و دواتریش خۆیان دەبنە مەخسەرەی مناڵەکانیان و خراپتریان بەسەر دێت، یان هەندێک خوێندکار و قوتابە هەوڵ و کۆششیان نییە و دواتۆر دەرناچن لەتاقیکردنەوە هەموو ئەمانە بووە به و ئیدیۆمەی کە دەوترێت(چی بچێنیت ئەوە دەدوورییەوە).
[1]