$رۆژهەڵاتی کوردستان$
- کاتژمێر 1ی نیوەشەو، هێزە ئینتزامییەکانی حکوومەتی ئێران، لە شاری #مەریوان# لە نزیک بەنداوی گاڕان، تەقەیان لە ماشینێکی تویوتا کرد و لە ئاکامدا شۆفێری ئەو ماشینە کە کاسبکارێکی خەڵکی شاری بانە بووە، گیانی لەدەست داوە. هەواڵنێری کوردپا لە شاری مەریوان، شوناسی ئەو کاسبکارە کوردەی بە ناوی زانا محەممەدی، تەمەن 24 ساڵ، کوڕی ئیسماعیل خەڵکی شاری بانە ڕاگەیاندووە.[3]=KTML_Photo_Begin=https://www.kurdipedia.org/files/relatedfiles/2018/153218/0006.JPG=KTML_Photo_Alt=زانا محەمەدی=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/153218/0006.JPG=KTML_Photo_End=
- ڕێکخراوی لێبوردنی نێودەوڵەتی ئەمڕۆ، لە بەیاننامەیەکدا نیگرانی خۆی لە باردوخی دوو زیندانی کورد (هۆشمەند عەلیپور و محەمەد ئوستاد قادر)، لە ئێران دەربڕی. و تۆمەتانەشی کە بۆیان دروستکراوە، بەدرۆدەخاتەوە.[4]
- فەرهاد عەبدوڵڵاپوور، برای هیدایەت عەبدوڵڵاپوور زیندانی سیاسیی کورد مەحکووم بە ئێعدام پاش لێپرسینەوە لە دادگای #شنۆ# بۆ زیندانی ئەو شارە گوازرایەوە.[3]
- چالاکێکی بواری مافی مرۆڤ، بە ناوی #سورەیا خدری#، ئەندامی دامەزراوەی خێرخوازیی ڕوجیار کوردستان لە #سنە#، لە لایەن هێزە ئیتلاعاتییەکانەوە دەسبەسەر کرا.[3]
- سێ هاووڵاتیی کورد لە شنۆ، بە ناوەکانی ساڵح پاشایی، سادق پاشایی و خوسرەو قودرەت، لە لایەن هێزە ئیتلاعاتییەکانەوە دەسبەسەر کراون. بە وتەی سەرچاوەیەکی ئاگادار، هێزە ئیتلاعاتییەکان، ئەو سێ هاووڵاتییە کوردەیان بە دەست و چاوبەستراوەیی لە بەر هەتاو ڕاگیراتووە. ئەو سەرچاوەیە هەروەها دەڵێت: هێزە ئیتلاعاتییەکان، ئەو سێ هاووڵاتییە کوردەیان، بە تۆمەتی پشتیوانی لە مانگرتنی گشتیی خەڵکی کوردستان دەسبەسەر کردووە.[3]
$باشووری کوردستان$
- سەرچاوەیەک لە #حەشدی شەعبی# لە حەویجە ڕایگەیاند، هێزەکانیان چوار تەرمیان دۆزیونەتەوە، کە لەگەڵیاندا سێ ناسنامەی هێزەکانی #پێشمەرگە# هەیە، ئەوەی دیکە کەسێکی سڤیلی خەڵکی پارێزگای زیقارە. بەپێی زانیارییەکان، سێ لەو تەرمانە پێشمەرگەن و لە شەڕی دژی #داعش# لە ساڵی 2014 شەهیدبوون و تەرمەکانیان کەوتووتەنە دەست داعش، بە ناوەکانی زیاد حەوێز ڕەشید، هۆشەنگ عەبدولڕەحمان شاهین، ڕەجەب حەسەن شاهین.[1]=KTML_Photo_Begin=https://www.kurdipedia.org/files/relatedfiles/2018/153218/0002.JPG=KTML_Photo_Alt=لە چالاکییەکانی ئەمڕۆ: 13-09-2018=KTML_Style=width:20%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/153218/0002.JPG=KTML_Photo_End=
- لیوا قارەمان کەمال، جێگری سوپاسالاری هەرێمی کوردستان ڕاگەیاند، ڕووفاتی ئەو سێ پێشمەرگەی دۆزراونەتەوە هی پێشمەرگە دیلەکان نین، بەڵکو ئەو سێ پێشمەرگەیە لەلای #وەزارەتی پێشمەرگە# بە شەهید ئەژمارکراون؛ کەسوکارەکانیان دەزانن شەهید بوون و مووچە شەهیدانەشیان هەیە.[1]
- شەوی ڕابردوو لە لایەن تیرۆرستانی داعشەوە دوو کارمەندی کوردی تەندروستی نەخۆشخانەی #حەفتەغار# لە #داقوق# دەڕفێنن. ئه و دوو کارمەندە کوردن و ناویان (سەباح تاهیر عەبدولغەفوور و نەوشیروان محەمەد مەحمود)ه و کارمەندی نەخۆشخانەی حەفتەغار-ن لەگوندێکی داقوق.[2]
- پاشنیوەڕۆی ئەمڕۆ، سوپای تورکیا لە ڕێگەی فڕۆکەی جەنگی و ئێران لە ڕێگەی تۆپخانەکانییەوە تۆپباران و بۆردومانی ناوچە سنورییەکانی شارەدێی #سیدەکان#ی سەر بە شارۆچکەی #سۆران#ی دەستپێکردوە.[4]
- بەرپرسی بەشی ڕاگەیاندنی ئۆفیسی #دهۆک#ی کۆمیسۆنی هەڵبژاردن و ڕاپرسی هەرێمی کوردستان لە پارێزگای دهۆک ڕایدەگەیەنێت، لە سنوری پارێزگای دهۆک زیاتر لە 30 کاندید بە کۆژمەی جیاجیا سزادەدرێن.[4]
$رۆژئاوای کوردستان$
- چەتەکانی دەوڵەتی تورکیا کە هێڵی جەرابلووس، ئەختەرین، مارای، عەزاز و باب-یان داگیرکردووە، جارێکی دیکە ناوچەی تل ڕەفعەت و گوندی شێخ عیسایان بۆردومان کرد کە دەکەونە سنووری کانتۆنی شەهبا لە هەرێمی عەفرین.[5]
$دەرەوەی کوردستان$
- فەرماندەی گشتی سوپای پاسداران دەڵێت: تۆڵەکردنەوەی ئەم دواییانەی سوپا لە هێزەکانی پێشمەرگەی (حیزبی دێموکراتی کوردستانی ئێران و حدک)، پەیامێکی پڕ مانا بوو بۆ دوژمنەکانمان و بە تایبەت ئه و زلهێزانەی کە پێیانوایە دەتوانن ئامانجە گڵاوەکانیان بەسەر ئێمەدا بسەپێنن.[4]=KTML_Photo_Begin=https://www.kurdipedia.org/files/relatedfiles/2018/153218/0012.JPG=KTML_Photo_Alt=لە چالاکییەکانی ئەمڕۆ: 13-09-2018=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/153218/0012.JPG=KTML_Photo_End=
- بەگوێرەی ڕاپۆرتی کۆمیسیۆنێکی لێکۆڵینەوەی سەر بە #نەتەوە یەکگرتووەکان#، سوپای تورکیا لە #عەفرین# یاسا نێودەوڵەتییەکانی پێشێلکردووە و ئەو گرووپە چەکدارانەش کە لەلایەن تورکیاوە پاڵپشتیدەکرێن ئارەزوومەندانە خەڵکیان گرتوون.[1]
- بڕیاربوو ڕێکخراوی کوردستان فۆتۆ لە ئەمەریکا پیشانگایەکی وێنەیی کلتوری و پێکەوە ژیانی کوردستان بکاتەوە، بەڵام لە فڕۆکەخانەی ئەتاتورک لە تورکیا بەشێک لە تابلۆکان لەلایەن دەزگا ئەمنییەکانی ئه و وڵاتەوە دەستیان بەسەردا دەگیرێت.[4]
کوردیپێدیا، ڕۆژانە بێلایەنانە مێژووی کوردستان تۆماردەکات...
کڕۆنۆلۆژیای ڕووداوەکان