$باکووری کوردستان$
- پارێزگاری دەوڵەتی تورک لە #بەدلیس# هاتووچۆکردنی هاووڵاتییانی لە 43 دێ و لادێی پارێزگای بەدلیس قەدەغە کرد.[3]
- ئەمڕۆ سەبیحە تەمیزکان کچی #لەیلا گیوڤەن# ویستی چاوی بە دایکی بکەوێت، بەڵام بەهۆی تێکچوونی باری تەندرووستییەوە گیوڤەن نەیتوانی چاوپێکەوتن ئەنجام بدات.[3]
$رۆژهەڵاتی کوردستان$
- هێزە ئیتلاعاتییەکان هێرشیان کردووە سەر ماڵی لێکۆڵەرێکی کورد به ناوی ناسر ئەمینیخا دانیشتوی دەوڵەتاوای شاری #کرماشان# و ناوبراویان دەسبەسەر کردووە. بەوتەی سەرچاوەیەکی ئاگادار لە کرماشانەوە، هێزە ئیتلاعاتییەکان پاش پشکنینی ماڵەکەی ئەم لێکۆڵەر کوردە، کامپیوتێر و کەلوپەلی تایبەتی ناوبراویشیان لەگەڵ خۆ بردووە.[7]
- لاوێکی کورد به ناوی مێهران محەممەدی خەڵکی گوندی بزڵانەی سەر بە شاری #سنە#، لە گەڕەکی عەباساوای ئەم شارەدا لە لایەن هێزەکانی سپای پاسدارانەوە دەستبەسەر کرا.[7]
$باشووری کوردستان$
- مامۆستایانی گرێبەست، لەبەردەم ئەنجومەنی وەزیران گردبوونەوە ئەنجام دەدەن و داوای دامەزراندنیان دەکەن بەشێوەیەکی هەمیشەیی، جیگری سەرۆکی یەکێتی مامۆستایانی کوردستان دەڵێت، پشتگیری لەداواکاریەکانیان دەکەین.[2]
- لە هۆڵی تەواری شاری #سلێمانی# بە ئامادەبونی کەسوکار و هاورێ و ژمارەیەک لە ڕۆشنبیر و نوسەران و کەسایەتی سیاسی چلەی ماتەمینی #مستەفا ساڵح کەریم# بەڕێوەچوو.[1]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2018/165071/0005.JPG=KTML_ImageCaption_Title=چلەی ماتەمینیی مستەفا ساڵح کەریم=KTML_ImageCaption_CaptionStyle=000000=KTML_ImageCaption_Caption=چلەی ماتەمینیی مستەفا ساڵح کەریم=KTML_ImageCaption_End=
- لیوا قارەمان کەمال، جێگری سەرۆک ئەرکانی #وەزارەتی پێشمەرگە#ی حکومەتی هەرێمی کوردستان ڕایگەیاند: بۆ ساڵی 2019 هاوکاری ماددی پێشمەرگە لەلایەن ئەمریکاوە کە بڕی 450 ملیۆن دۆلاری مانگانەیە بەردەوامدەبێت، ئه و پارەیەش تەنها بۆ مووچە خەرج دەکرێت و مانگانە بۆ 36 هەزار پێشمەرگە تەرخاندەکرێت.[1]
- هێزێکی ئەمنی ئاگاداری دانیشتووانی کوردی گەڕەکی عەرەفەی #کەرکووک# دەکاتەوە کە خانووەکانیان بۆ کۆمپانیای نەوتی باکوور جێبهێڵن.[4]
- لە #خانەقین#، لە ماوەی 10رۆژی ڕابردوودا بەهۆی پەلاماری گروپی تیرۆرستی #داعش# بۆسەر هێزەکانی پۆلیس چوار پۆلیس کوژراون.[5]
- سەرۆکی یەکێتی گشتی جوتیارانی هەرێمی کوردستان ڕایدەگەیەنێت، سەبارەت بەشایستەی دارایی جوتیاران و وەرگرتنی گەنمی جوتیارانی هەرێم، بەغدا مامەڵەی نادروست و نادەستووری لەگەڵ هەرێمدا دەکات، دەشڵیت: ڕێکاری یاساییمان دژی بڕیارەکانی حکومەتی عێراق گرتووەتەبەر.[6]
- هاوپەیمانی نیشتمانی جێگری سەرۆکی حیزبەکەیان هەڵبژارد کە ئەویش (د. #ئاڤێستا کەمال#) مامۆستای #زانکۆی سلێمانی#یە.[1]
$رۆژئاوای کوردستان$
- ئۆتۆمبێلێکی بۆمبڕێژکراو کاروانێکی سەربازی سوپای ئەمریکای لە باشووری #حەسەکە# کردۆتە ئامانج.[6] هەندێک سەرچاوە باسی گیان لەدەستدانی 8 #شەڕڤان# و برینداربوونی چەند سەربازێکی ئەمریکی دەکەن.[4] میدیاکانی نزیک لە پەیەدە باس لە برینداربوونی 2 شەڕڤان و یەک سەربازی ئەمریکی دەکەن.[3][6]
- هەردوو پەرلەمانتاری چەپی فەڕەنسا دانیلا ئۆبۆنۆ و ماتهیلدا پانۆت و جێگری سەرۆکی شارەوانیی گریگنی پاسکال ترۆدەک سەردانی ڕۆژاڤایان کرد. شاندەکە لە لایەن بەڕێوەبەرایەتییە خۆجێییەکانەوە پێشوازی لێ کرا، دواتریش سەردانی کەمپی ئێزدییەکانیان کرد. ئۆبۆنۆ لە کاتی سەردانەکەیدا بۆ ئاژانسی ڕۆژنامەوانیی فەڕەنسا (AFP) دوا و ڕایگەیاند، بۆ ئەوە هاتووینەتە ئێرە، تا پشتیوانی خۆمان بۆ ڕۆژاڤا پیشان بدەین.[3]
$دەرەوەی کوردستان$
- سوپای ئیسرائیل بە 40 موشەک هێرشی کردە سەر چەند ئامانجێک لە ناو خاکی سوریا کە بە پێگەی ئێرانی ناوی بردوون و سوپای سوریاش دەڵێت زۆربەرەیان بەرپەرچدراونەتەوە.[1]
- سەرپەرشتیاری فیدراسیۆنی پەنابەران ڕادەگەیەنێت: تەرمی گەنجێکی کوردی دانیشتووی سلێمانی لە دووری 300 مەتر لە شوێنی ژێرئاوکەوتنی بەلەمەکەی ئیتاڵیا کە ڕۆژی 19-01-2019 نقوم بوو، دۆزراوەتەوە.[1]
کوردیپێدیا، ڕۆژانە بێلایەنانە مێژووی کوردستان تۆماردەکات...
کڕۆنۆلۆژیای ڕووداوەکان