ناونیشانی بابەت: کۆیە.. چەند خانوویەکى کەلەپوورى نۆژەن دەکرێنەوە
ئامادەکردنی: #هەڵمەت بتوێنی#
بەڕێوەبەرى فەرمانگەى شوێنەوارى #کۆیە# ئاشکراى کرد، لەسەر بودجەى حکوومەتى هەرێمى #کوردستان#، ژمارەیەک دیوار و خانووى کەلەپوورى نۆژەن دەکەنەوە، کە بەهۆى ئەوەى لەسەر ڕێڕەوى هاتوچۆى هاووڵاتییانن، مەترسى ڕووخانیان لەسەرە.
#یەکێتی واحید#، بەڕێوەبەرى فەرمانگەى شوێنەوارى کۆیە، بە (باسکورد)ى ڕاگەیاند: دواى داواکارى و پێشکەشکردنى دەرخستە، پارێزگاى #هەولێر# ڕەزامەندى درا لەسەر دابینکردنى بڕە بودجەیەک بۆ نۆژەنکردنەوەى دیوارى حەوشە و چەند خانوویەکى کەلەپوورى، لە گەڕەکە کۆنەکانى ناو شارى کۆیە.
وتیشى: ئێستا پڕۆژەکە دەستى بە کار کردووە، کە بەرد و گەچى تێدا بەکار دەهێندرێت و بە تەواوبوونى دەتوانرێت پارێزگاریی لە مانەوەى سیماى کەلەپوورییەکەى و تێکچوونى بکرێت.
لاى خۆیەوە، هێمن کاوەیس، لە فەرمانگەى شوێنەوارى کۆیە بۆ (باسکورد) وتی: بەدەر لەو کارە، پڕۆژەیەکى دیکەمان لەبەردەستە، کە بریتییە لە نۆژنکردنەوەى خانووى مەلاى گەورەى کۆیە و کردنى بە شوێنێکى کەلەپوورى، کە تێیدا پەڕتووکەکانى خۆى و مەسعود محەمەدى کوڕى و هەموو ئەو شتانەى بەکاریان هێناوە، لەو خانووەدا کۆ بکرێنەوە و گەشتیاران و خوازیاران سەردانى بکەن و ئاشناى مێژوو و بەرهەم و کارەکانیان ببن.[1]