ناو: دەریا
ناوی باوک: قادر
بڕوانامە: بەکالۆریۆس لە بەشی بەڕێوەبردن و ئابووری لە زانکۆی ئۆسلۆی وڵاتی نەرویج.
بەکالۆریۆس لە ڕۆژنامەگەری و فۆتۆگرافی لە وڵاتی نەرویج.
$ژیاننامە$
دەریا کەسێکی نیشتمانپەروەرە و هەردەم لە خەمی نەتەوە و خاک و وڵاتەکەیدایە، و پێگەیەکی جوان و بەرزی هەیە لەناو نەتەوەکەی خۆی و هاوکات لەناو کەسانی بیانیشدا.
دەریا لە چەندین خوولیا و پیشەی جۆراوجۆر خۆی بینیووەتەوە وەک،
شاعیر، نووسەر، وەرگێڕ، ئەکتەر، ڕۆژنامەنووس، ڕاگەیاندنکار، بەڕێوەبەری ئێڤێنت بە هەردوو زمانی کوردی و نەرویجی، چالاکوانی فریلانس، و موزیسیەن.
-ئەندامی ئۆکێسترای ئۆستفۆڵد/ نەرویج، ژەنیاری ئامێری چەلۆ.
-ئەندامی سیمفۆنی ئۆرکێسترای لاوانی ئۆستفۆڵد/ نەرویج، ژەنیاری ئامێری چەلۆ.
-ئەندامی سەندیکای ڕۆژنامەنووسانی کوردستان.
-ئەندامی فیدراسیۆنی نێودەوڵەتی ڕۆژنامەنووسان IFJ.
-ئەندامی سەندیکای هونەرمەندانی کوردستان.
-ئەندامی کۆمیتەی گشتی فیدراسۆنی نەرویج.
-ئەندامی بەڕێوەبەری کۆمەڵەی هونەرمەندانی کورد لە وڵاتی نەرویج.
-ئەندامی حیزبی پارێزگارانی نەرویج.=KTML_Photo_Begin=https://www.kurdipedia.org/files/relatedfiles/2023/520546/0032.JPG=KTML_Photo_Alt=دەریا قادر=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2023/520546/0032.JPG=KTML_Photo_End=
-ساڵی 2025 بەربژێری پارتی پارێزگارانە بۆ هەڵبژاردنی پەڕلەمانی نەرویج.
-لێپرسراوی گشتی کۆمیتەی نەرویج ، و جێگری دەستەی کارگێڕی فیدراسیۆنی ژنانی دیاسپۆڕای کوردستانی.
-ئەندامی دەستەی کارگێڕی فیدراسیۆنی گشتی ژنانی دیاسپۆڕای کوردستانی، و هاوکات بەرپرسی کۆمیتەی فیدراسیۆنی ژنانی دیاسپۆڕای کوردستانی-نەرویج.
بەرپرسی باڵی (Security & Defense)
واتا ئاساییش و بەرگرییە لە وڵاتی نەرویج لە ڕێکخراوی G100 کە تۆڕێکی گرنگی نێودەوڵەتییە، لە 100 ژنە سەرکردە لە سەرانسەری جیهان پێکهاتووە، کە پێشەنگی 100 باڵی جیاوازی جیهانی دەکات، هەر باڵێک جگە لە دیدگای گشتی G100 بەیاننامەی دیدگای تایبەتیی خۆی هەیە.
دەریا هەر لە سەرەتای خوێندنییەوە یەکێک بووە لە خوێندکارە دیار و بەتواناکانی خوێندنگەکەی خۆی.
بەهرەی خۆشنووسی و هونەری نواندن و وێنەکێشانی هەر لە خوێندنگەی سەرەتاییەوە لەلایەن مامۆستا و فێرکارەکانییەوە هەستپێکراوە.
لە تەمەنی 7 ساڵییەوە وەک ئەکتەر بەشداری لەشانۆگەرییەکانی چالاکی قوتابخانەی سەرەتایی کردووە.
لە تەمەنی 8 ساڵیدا دەستی بە خوێنەوەی ڕۆمان کردووە.
لە تەمەنی14/13 ساڵیدا پەیوەندی کردووە بە کۆڕسی پشووی هاوینە بۆ فێربوونی مۆسیقا، لەو کاتەوە فێری ئامێری چەلۆ دەبێت و ماوەیەک دەبێتە ئەندامی تیپی مۆسیقای کازیووە، وەک ژەنیاری ئامێری چەلۆ لە چەندین چالاکی هونەریدا بەشداری ئەکات.
ساڵی 1998 وەک ئەکتەرێکی کارامە دێتە ناو بواری نواندن و بەشداری دەکات لە بەرنامەی هونەری هەفتانە، و چەندین دراما، زنجیرە درامای تەلەڤزیۆنی، فیلمی سینەمایی تا ساڵی 2002.
لە سەرەتایی تەمەنی لاوییەوە دەستی کردووە بە نووسینی هۆنراوە، بەڵام باری سەختی ژیان و سەفەرکردن بۆ دەرەوەی وڵات ڕێگەنادات هۆنراوەکانی بە چاپ بگەیەنێت.
ساڵی 2002 بەیەکجاری کوردستان جێ ئەهێڵێت و ساڵی2003-2004 لە نەرویج نیشتەجێ دەبێت.
لەو ساڵەوە دەست دەکات بە خوێندنی فێربوونی زمانی نەرویجی و دوواتر تەواوکردنی قوتابخانەی دوواناوەندی و دوای ئەوە خوێندنی سێ جۆر دیپلۆم لە بوارەکانی کۆمەڵناسی، پەرستاری، ترانسپۆرت.
دەریا هەموو ژیانی و سەرباری سەختییەکان لە وڵاتی نەرویج هەوڵیداوە لەسەر پێیەکانی خۆی بوەستێت و بۆ بژێوی ژیان بەسەربەرزی چەندین کاری جۆراوجۆری کردووە لەوانە:
-یاریدەدەر لە باخچەی ساوایان.
-کارمەند و یاریدەدەر لە بەشێک لە نەخۆشخانەی دەروونی.
-کارمەند لە پێشانگای نێودەوڵەتی بازرگانی.
-کارمەند لە مارکێتی فرۆشتنی کەلوپەلی ناو ماڵ.
-شوفێری ئوتوبووس/ مەنشەئە لەناو شاری ئۆسلۆ و دەوروبەری.
-بەڕێوەبەری کۆمپانیای خێزانی ترانسپۆرت/ گواستنەوە و گەیاندن.
-وەرگێڕ لە زمانەکانی نەرویجی بۆ کوردی و عەرەبی، هەروەها بە پێچەوانەوە.
-دوای 24 ساڵ ئەزموونی کاری ڕۆژنامەگەری، لە ئەیلولی 2024 بڕوانامەی بەکالۆریۆس لە ڕۆژنامەگەری و فۆتۆگرافی لە وڵاتی نەرویج وەرگرتووە.
هەر لە ساڵی 2005 و دووبارە دەگەڕێتەوە بۆ دونیای نواندن، بەپێی دەرفەت وەک ئەکتەر بەشداری دەکات لە چەندین درامای تەلەڤزیۆنی و زنجیرە دراما و فیلمی سینەمایی بە زمانی نەرویجی کە تا ئێستاش 2023 بەردەوامە.
ساڵی 2020 پەیوەندی دەکات بە پەیمانگای هونەرە جوانەکان و بە شێوەیەکی ئەکادیمی دەست دەکاتەوە بە خوێندنی موزیک و فێربوونی ئامێری چەلۆ، لە ئێستادا 2023 ژەنیاری ئامێری چەلۆیە لە سیمفۆنی ئۆرکێسترای نەرویجی.
دەریا ماوەی 19 ساڵە لە وڵاتی نەرویج هیچ کات لە چالاکییەکانی دانەبڕاوە، لە بوارەکانی نواندن، چالاکی ڕاگەیاندن، وەک ئێڤێنت بە زمانی کوردی و نەرویجی، و موزیک و نووسینی هۆنراوە زۆر چالاکە و ڕۆڵی بەرچاوی هەیە.
دەریا ئێستا زیاتر لە 130 بەرهەمی هۆنراوەی ئامادەیە لە داهاتوویەکی نزیکدا لە چاپ ئەدرێن.
$هەندێک لە بەرهەمە هونەرییەکانی بواری نواندن$
-درامای تەلەڤزیۆنی ئەنفال، ڕۆڵی دکتۆر، ساڵی 1998.
-درامای تەلەڤزیۆنی ژیان، بە زاراوەی بادینی ڕۆڵی سەرەکی، قوتابی زانکۆ، ساڵی 1999.
-کلیپی گۆرانی بۆنی خاک، ڕۆڵی سەرەکی، وتنی هونەرمەندی بەڕێز دیاری قەرەداغی.
-کلیپی گۆرانی شەش پەپوولەکەی گۆشەی باخەکەم، وتنی هونەمەندی کۆچکردوو خاتوو مەرزییە فەریقی.
-زنجیرە درامای ئامۆژگاری هەمەجۆری کۆمەڵایەتی، ڕۆڵی سەرەکی، پەخشی هەفتانە بۆ گوڵان تیڤی ساڵی 2000.
-فیلمی سینەمایی ژیان، بۆ هەڵەبجەی شەهید، ڕۆڵی تاڤگە، ساڵی 2001-2002.
-زنجیرە درامای مەمی ئالان، ڕۆڵی شاژن، خێزانی میر ئەزین، ساڵی 2002.
-دیوانێکی هەڵبەستی چاپکراوی هەیە بەناوی (نۆستالژیای ژنێک) 2024.[1]