ناڤ: فەرهاد
ناسناڤ: مەزڵوم کۆبانی
ناڤێ بابی: عەبدی
جهێ ژدایکبوونێ: #کۆبانێ#
ساڵا ژدایکبوونێ: 1967
$ژیاننامە$
فەرھاد عەبدی شاھین یێ بەرنیاس ب #مەزڵوم کۆبانی#، یان مەزڵووم عەبدی یان شاھین سلۆ، سەرکردەیەک سەربازی یێ کوردێ ڕوژئاڤایە.
ل ساڵا 1967 ل باژێڕێ کۆبانێ ل ڕوژئاڤایێ کوردستان ژدایکبوویە، دەستپێکێ ل #پارتی کرێکارانی کوردستان# چالاک بوو ل سووریا و چەندین جاران ژی هات دەستەسەر کرن، ل ساڵا 1996 پشکدارییا چەند شەڕەکێن هێزێن پاراستنا گەل دکەت ل #هەکاری# دژبەری سوپایێ تورکیا، ل ساڵێن 1997 بو 2003 ل ئەوروپا دمینیت و پشتی داگیرکرنا ئیراقێ دهێتە #مەخموور# و ل کردەیەکە سەربازیدا پشکدار دبیت هەیاکوو ساڵا 2004 ل وێرێ دبیت، ساڵا 2014 وەکە نینەرێ یەکینەیێن پاراستنا گەل ل باژێڕێ #سلێمانی# ل ڕێککەفتنا دناڤبەرا ئیران و ئەمریکا ئامادە دبیت بو درووستکرنا هەڤپەیمانییا دژبەری داعشێ، ساڵا 2015 دبیتە فەرماندەیێ گشتی ئێ هێزێن چەکدارێن هەسەدە و پتری 60,000 بو 70,000 سەرباز ل بن دەستێ وی بوونە.
ئەو نها ساڵا 2025ێ فەرماندەیێ گشتی یێ ھێزێن سووریا دیموکراتە.
ل ئەیلوولا 2019، ل دەمێ ئێرشێن 2019یا ڕوژئاڤا ژ ئالێ تورکیا، ب نەچاری دگەل سوپایێ سووریا و ڕووسیا ڕێکەتن کر، مەزڵوم کۆبانێ لسەر سێ ڕێککەتنێ گوتی «ئەگەر نەچاربین دناڤبەرا سازش و جینۆساید ئێکەکێ ھەڵبژێرین ئەم خەلکێ خوە ھەڵدبژێرین»، لدویف وێ ڕێککەتنێ هێزێن سووریا هاتنە ناڤ باژێڕێ مەنبج و کۆبانێ.
$لیستا تەرۆرا تورکیا:$
مەزڵوم ل لیستی داخواز کریێن تورکیا ل ژمارە 9دایە و هەرکەسێ وی تەرۆر یان دەستەسەر بکەت و بدەتە دەستێ هێزێن تورکیا، بڕێ 9 ملیۆن لیرەیێن تورکی دێ وەرگریت.
خۆشتەڤی بوونا وی لدەف گەلێ خوە:
مەزڵوم ژبەر شەڕێ کۆبانێ و #عەفرین# بوویە کەسایەتییەکە دیارێ کورد و هێزێن دەرەکی ئێن جیهانی وەکە ئەمریکا وەکە کەسایەتییەک سیاسی بهێز وی دبینن، ئەڤەش ل دەف هەریەک ل تورکیا و پارتییا کرێکارێن کوردستانێ نەڕازی بوون ژێڕە دەرکەت، وەزیرێ دادێ تورکیا عەبدولحەمید گوڵ نەڕازی بوونا خوە ل دەرکەتنا مەزڵوم وەکە کەسایەتییەک سیاسی نێڤدەوڵەتی نیشان دا.
هەرئێکەک ل #پارتی کرێکارانی کوردستان# و یەکینەیێن پاراستنا گەل مشتومڕا وانا لسەر مەزن بوون و دەرکەتنا کەسایەتییا مەزڵوم درووست بوو ژبەر کوو پەکەکە ترسا وێ چەندێ هەیە کوو یەپەگە و مەزڵوم عەبدی پتر دەرکەڤن و پەیوندیێن وانا دگەل ئەمریکا توندوتوڵتر ببن.
$شەڕێ کۆبانێ و چالاکیێن وانا$
ساڵا 2014-2015 مەزڵوم عەبدی ل شەڕێ دوورپێچ کرنا کۆبانێ پشکداری کر و سەرباری هندێ کوو ئەمریکییان ئاموژگارییا وی کربوو کوو ژێ دربچت لێ وی قبووڵ نەکر، پشتی کوو سێ جاران ماڵا وی ژئالێ داعشێ ڤە داگیر بوو، داخوازێ دکەت ب فڕۆکەیان بۆمبەبارانا ماڵا وی بکەن ل هەمبەر کوشتنا چەکدارێن داعش و کێمکرنا مەترسییان لسەر سەربازێن وی.
ل حوزەیرانا ساڵا 2019 ڕێککەتنا نەتەوەێن یەکگرتی واژوو دکەت ژبو ڕێگری کرن ل چەکدارێن زاروک ل سوپایدا.
دۆستێ نزیکێ ڕوژئاڤا و ئەمریکایە و ل ل ناڤبرنا داعشێ ڕوڵەک سەرەکی هەبوو.
ل ڕوژا #07-04-2023# ل فڕۆکەخانەیا سلێمانی ل هەوڵەکە تەرۆرستی ڕزگار بوو.
[1][2]