$رۆژهەڵاتی کوردستان$
- بەپێی ڕاپۆرتی گەیشتوو بە ئاژانسی هەواڵدەریی کوردپا، وەکوو نەریتی ساڵانی پێشوو، هاووڵاتییانی گوندی #پاڵنگان#، ئامادەکاریان بۆ بەرێوەچوونی نەورۆزی ئەمساڵ لەو گوندە کردبوو، کە لە ژێرگوشاری ئیدارەی ئیتلاعاتی شاری کامیاران، ئەو ڕێوڕەسمەیان هەڵوەشاندەوە.[4]
- بە هۆی کەرەستەی چێ کراوی تەقەمەنی لە شاری #بۆکان# لە ماڵێکدا، هاووڵاتییەک گیانی لە دەستدا و چوار کەسی دیکە بریندار بوون.[4]
$باشووری کوردستان$
- ئەمڕۆ لە شاری #هەولێر#، بە نزیکبوونەوە لە 8ی ئادار ڕۆژی جیهانی ژنان، ژنان وەک چالاکییەک 6 هەزار واژۆ کە ماوەیەک بەرلە ئێستا لەلایەن ڕێکخراوی وادی ئەڵمانی کۆکرابوونەوە و لەگەڵ یاداشتێک ڕادەستی پارلەمانی هەرێمی کوردستان کرد.[2]
- بەبۆنەی هەشتی ئازار ڕۆژی جیهانی ژنان، لە شاری #کەرکووک#، لەسەنتەری ڕۆشنبیری و ماڵی ڕۆشنبیری شارەکە چەندین چالاکی هونەری و جۆراو جۆر و پێشگانگا و کاری دەستی تایبەت بە ژنانی نەتەوە جیاوازەکان بەڕێوەچوون.[3]
- لە شارۆچکەی #کەلار#، گروپی کچانی فۆتۆگرافەری #گەرمیان#، بە ناونیشانی 'خەمی ئێمە و چاوی ئێوە'، پێشانگایەکی فۆتۆگرافیان کردەوە، تیایدا، خەم و ئازارەکانی ژنان و ئەو بەربەستانەی ڕووبەڕوویان دەبنەوە لەناو کۆمەڵگادا، نیشاندرا.[3]
$رۆژئاوای کوردستان$
- لە گوندی باغۆز-ی سەر بە شارۆچکەی هەجین-ی پارێزگەی دێرزوور، هێزەکانی سووریای دیموکراتی (قەسەدە) لە چوارچێوەی دوایین هەڵمەتی کۆتایی هێنان بە چەتەکانی #داعش# بەردەوامن لە تۆمارکردنی سەرکەوتن.
لەوچوارچێوەیەدا، #شەڕڤان#انی قەسەدە 8 هاوڵاتی ئێزیدی دیکەیان ڕزگار کرد. زانرا 2 لە ڕزگارکراوەکان ژنن و 6شیشان منداڵن و ناوەکانی وەهان: ژنەکان/ تایسەر سلێمان و ئەدیبە موراد. منداڵەکان/ ئەیمەن خەلیل حەجی، دلبرین جەلەر، خەیری شەرەف، موسا هادی، ئایشە و ئیبراهیم.[2]
- بە گوێرەی سەرچاوەکانی هەواڵ لە ناوچەکە، بەیانیی ئەمڕۆ لەسەر ڕێگەی گوندی ترندێ لە خاڵێکی پشکنینی هێزەداگیرکەرەکان تەقینەوەیەک ڕوویدا. لە ئەنجامی تەقینەوەکە سەربازێکی تورکیا کوژرا و 2 ئەندامی گرووپی چەتەی فرقەی هەمزە بریندار بوون.[2]
$دەرەوەی کوردستان$
- خەڵاتی سەرکەوتنی پارلەمانی بەریتانیا کە ساڵانە دەدرێتە کەسایەتیەک، ئەمساڵ لە ئاهەنگی نەورۆزدا کە ساڵانە لە پارلەمانی بەریتانیا ڕێکدەخرێت، بەخشرایە بەسیمە باشار هاوسەرۆکی ئەنجومەنی گەلی کورد لە بەریتانیا.[2]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2019/253353/0007.JPG=KTML_ImageCaption_Title=خەڵاتی پارلەمانی بەریتانیا بەخشرایە ژنێکی کورد=KTML_ImageCaption_CaptionStyle=000000=KTML_ImageCaption_Caption=خەڵاتی پارلەمانی بەریتانیا بەخشرایە ژنێکی کورد=KTML_ImageCaption_End=
- بەبۆنەی ڕۆژی جیهانی ژنانەوە یەکێتی ژنانی کوردستان لانەی ئارام و تۆڕی نێودەوڵەتی بۆ توندوتیژی دژی ژنان لە سوید کۆنفرانسێک سازدەکات.[1]
- هاوسەرۆکی #هەدەپە#ی ناوچەی تۆربالی دەستگیر کرا.[2]
- لەچوار چێوەی یادکردنەوەکانی 8ی مارس ڕۆژی جیهانی ژنان دا لەناوەندی پێکەوە ژیانی کورد و ئەڵمان هونەرمەند ئیسماعیلی ماملێ پێشانگایەکی فۆتۆگرافی دیکۆمێنتاری تایبەتی بەژنە تەوارە شۆڕشڤانەکانی #کۆبانێ# کردەوە.[2]