ناو: فەرهاد
ناوی باوک: حەمزە محەمەد
ساڵی لەدایکبوون: 1961
شوێنی لەدایکبوون: #کەرکووک#
$ژیاننامە$
لە ساڵی 1961 لە گەڕەکی ڕەحیماوای شاری کەرکووک لە دایکبووە.
لە ساڵی 1967 چووەتە قوتابخانە و خوێندنی سەرەتایی و ناوەندی و ئامادەیی لە قوتابخانەکانی خەبات و باوەگرگر و کوردستان تەواوکردووە.
لە ساڵی 1980 لە بەشی جیۆلۆجی - کۆلێجی زانست لە زانکۆی #سلێمانی# وەرگیراوە و لە ساڵی 1985 بڕوانامەی بەکالۆریۆسی لە بەشی جیۆلۆجی زانکۆی سەڵاحەدین پێبەخشراوە.
لە سەر هەڵوێستی کوردانەی لە ساڵی 1982 بەهۆی بەشداری کردنی لە خۆپیشاندانە مێژووییەکەی خوێندکارانی زانکۆی سەڵاحەدین دەستگیرکراوە و خراوەتە زیندانەوە.
لە ساڵی 1984 یش بەهۆی ڕەتکردنەوەی بەشداریکردن لە خزمەتی (جەیش ئەلشەعبی) بۆ ماوەی ساڵێک دورخراوەتەوە لە خوێندن.
لە ساڵی 1987 هاوسەرگیری کردووە و خاوەنی 5 منداڵە بە ناوەکانی (داستان - دابان - سازان - دیلان - ڕۆژان)
=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2013/82734/0015.JPG=KTML_ImageCaption_Title=0015.JPG=KTML_ImageCaption_CaptionStyle=000000=KTML_ImageCaption_Caption=فەرهاد حەمزە و شیرینی هاوسەری لە ڕۆژی هاوسەرگیرییان=KTML_ImageCaption_End=
لە دوای پڕۆسەی ئازادی لە ساڵی 2005 دا لە کۆمپانیای نەوتی باکوور لە بەشی جیۆلۆجی دەستبەکاربووە.
لە ماوەی ساڵانی 2004 و 2005 بەرنامەیەکی مێژووییم لە تەلەڤزیۆنی کەرکووک لە (10) ئەڵقەدا لەژێر ناونیشانی (کەرکووک لە ئاوێنەی مێژوودا) پێشکەش کرد.
لە ساڵی 2003-2006 لە ڕۆژنامەی هەواڵ کاریکردووە.
لە ساڵی 2006-2013 بەڕێوەبەری نووسینی ڕۆژنامەی (کەرکووکی نوێ) بووە کە لەلایەن بەشی ڕاگەیاندنی مەڵبەندی کەرکووکی #یەکێتیی نیشتمانیی کوردستان#ەوە دەرکراوە.
$بەرهەمە چاپکراوەکانی$
1- یەکەم بەرهەمی وتارێک بوو بە زمانی عەرەبی لە ڕۆژنامەی (المزمار) بە ناونیشانی (کیف اصبحت بریطانیا دولە استعماریە) لە ساڵی 1977 بڵاو کرایەوە.
2- پەڕتووکی (مێژووی خەباتی گەلی ڤێتنام) چاپخانەی ئەسعەد - بەغدا 1984 بە تیراژی 5000 دانە.
3- پەڕتووکی (فاشیزم و خوێنی گەلە چەوساوەکان) چاپخانەی دار الجاحظ بەغدا 1985بە تیراژی 5000 دانە.
4- پەڕتووکی (سێ ئەنتەر ناسیۆناڵەکەی جیهان) وەرگێڕان 1985 چاپخانەی (ی.ن.ک) لە شاخ.
5- پەڕتووکی (C.I.A حکومەتە نادیارە کەی ئەمەریکا) کەرکووک 2001.
6- پەڕتووکی (مێژووی نەوتی کەرکووک) کەرکووک چاپی یەکەم 2006.
7- پەڕتووکی (نەوت و کورد و کەرکووک) چاپخانەی ئازاد هەورامی 2011 لەسەر ئەرکی مەڵبەندی کەرکووکی یەکێتی نشتمانی کوردستان.
8-پەڕتووکی (مێژووی نەوتی کەرکووک) چاپی دووەم دوای دەستکاریکردنێکی زۆر ساڵی 2012 لەسەر ئەرکی مەکتەبی بیرو هۆشیاری ی.ن.ک.
9- پەڕتووکی log analysis in carbonate rocks لەسەر ئەرکی کۆمپانیای نەوتی باکوور
10- پەڕتووکی oil saturatio and water saturatio
11- پەڕتووکی (الخزن الجوفی فی حقل کەرکووک)
12-تاریخ نفط کەرکووک 2017.
ئەمانەو دەیان وتار سەبارەت بە نەوت بە تایبەت نەوتی کەرکووک لە ڕۆژنامە و گۆڤارو سایتە ئەلکترۆنیەکاندا بڵاوکراوەتەوە.
وێرای ئەوەی خاوەنی دەیان چاوپێکەوتن و دیدارە لە کەناڵە کوردییەکاندا سەبارەت بە نەوت، دەتوانرێ بوترێ تاکە ئەندازیار بوو لە کەرکووک دیداری تەلەڤزیۆنی سەبارەت بە نەوت ئەنجام بدات.
چەندین سیمیناری لە زانکۆکانی #کۆیە# و #هەولێر# و کەرکووک گێراوە.
بەشداری چەندین کۆنفرانسی سەبارەت بە نەوت کردووەو یەکەم کەس بووە لەسەر بابەتی پترۆ دۆلار توێژینەوەی کردووەو لە کۆنفرانسێکدا لە شاری هەولێر پێشکەشی کرد.
چەندین بڕوانامەی ڕێزلێنانی پێبەخشراوە لەوانە بڕوانامەی (کەسایەتی ساڵ) کە بۆ هەر ساڵێک پێشکەشی چەند کەسێک دەکرێت کە کاریان بۆ شارەکەیان کردووە. بۆ ساڵی 2012 بەخشرایە دکتۆر نەجمەدین عومەر پارێزگاری کەرکووک و حەسەن تۆران سەرۆکی ئەنجوومەنی پارێزگا و ئەندازیار فەرهاد حەمزە. [1]