شارام نازری ساڵی 1328 ی هەتاوی (50-1949 ی زایینی) لە #کرماشان# لەنێو بنەماڵەیەکی هونەرپەروەردا چاوی لەڕووی ژیان هەڵێنا. ئەو هەر لەسەردەمی منداڵییەوەوەک زۆربەی گۆرانیبێژان کەدەنگەزوڵاڵەکەیان میراتێکی بنەماڵەییە، ئەو دەنگەخۆش و لەبەردڵانەلەباوک و دایکی بەمیرات پێ دەگات. وەکی دەڵێن باوکی دەنگێکی خۆشی پێوەبووەو بەدوای شێوازی گۆرانی چڕینی بەرینانی خۆدا خاسما نەمر شێخ داوودی دا چووە. هەر بۆیەکوڕەکەی هەر لەمناڵییەوەبار دێنێ. هەڵبەت پێشەنگی بنەماڵەکەیان لەبواری هونەریی دا نەمر مامۆستا حاجی خانی نازری بووەکەزۆربەی هونەرمەندانی کرماشانی فێری نۆتەو مۆسیقای ڕەسەنی ئێرانی کردووە.
باوکی شارام نازری سەرباری ئاشناێتی دەگەڵ هەوا و دەزگاکانی مۆسیقایی ئێران، سێتاریشی ژەنیوە، دایکیشی دەنگێکی خۆشی پێوەبووە. شارام لەنێو وا ماڵباتێکدا پەروەردەبووە. هەر ئەو خاڵەلەسەر شارام نازری شوێندانەر دەبێ و ئەو لەتەمەنی 9 ساڵاندا یەکەم بەرنامەی هونەری خۆ لەڕادیۆ کرماشان بەئامێری تاری نەمر دەروێشی لەژەنیارانی بەناوبانگی دەڤەری کرماشان پێشکەش دەکات.=KTML_Photo_Begin=https://www.kurdipedia.org/files/relatedfiles/2008/253/0003.JPG=KTML_Photo_Alt=شەهرام نازری - شارام نازری=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/253/0003.JPG=KTML_Photo_End=
شارام نازری پاشان لەتەمەنی 11 ساڵاندا لەڕادیۆ تەلەڤزیۆنی ئێران چەن بەرنامەیەکی هونەری بەڕێوەدەبات. بۆ بەرزکردنەوەی پلەی زانیاری و ناسیاری خۆ دەگەڵ مۆسیقا ئەچێتەلای کوڕەمامی خۆ عەلی نازری و دەروێش نەعمەت عەلی خانی خەراباتی و پتر دەگەڵ دونیای گۆرانی و ئاوازی کوردی ئاشنا دەبێت. پاشان بۆ بەرفرەکردنی زانستی هونەری خۆ دەچێتەلای گەلێ مامۆستای پایەبەرز. ساڵی 1345 ی هەتاوی بەلای مامۆستایانی وەک نەمر عەبدوڵڵا خانی دەوامی، نوورعەلی خانی بروومەند، عەبدولعەلی وەزیری، مەحمود کەریمی و...درێژەبەخوێندنی هونەری خۆ دەدا. هەر لەو دەمەوەنیشتەجێی تاران دەبێت و بەلای مامۆستایانی دی وەک ئەحمەد عیبادی، مەحمود تاج بەخش، جەلال زوولفنوون و مەحمود هاشمی یەوەزانیاری هونەری خۆ بەرز دەکاتەوە.
شارام نازری نێزیکەی ساڵێک لەتەورێز لەگەڵ ژەنیار و مۆزیکژەنانی ئەو دەڤەرەوەک بیجگەخانیو مەحمود فەرنام قیتانچیان کەلەقوتابییانی ئیقباڵ ئازەر بوون لەسەر مۆسیقایی ئێرانی چالاکی دەبێت.
ساڵی 1354 ی هەتاوی لەسەر پێشنیازی نوورعەلی بروومەند لەدەزگەی ڕادیۆ تەلەڤزیۆن دادەمەزرێ و یەکەم بەرنامەی هونەری لەگەڵ تیپی شەیدا بەسەرپەرشتی محەمەد ڕەزا لوتفی بەشێعرێکی نێو مەسنەوی مەولەوی و گۆرانییەکی شێخ بەهایی بەڕێوەدەبات. پاشان دەگەڵ تیپی مۆسیقای عارف بەسەرپەرشتی حوسێن عەلیزادە و پەروێز مووشکاتیان درێژەبەهاریکای خۆ دەدا. ساڵی 1355 ی هەتاوی لەیەکەمین تاقیکاری مۆسیقای ڕەسەنی ئێرانی دا(باربوود) پلەی یەکەم وەدەس دێنێ. ساڵی 1356 ی هەتاوی هاوڕێی تیپی هونەری سەماعی بەسەرپەرشتی ئەسغەر بەهاری و حوسێن ناهید بۆ کۆنسێرتکردن بەشداری فێستیڤاڵی تووس دەبێت. ساڵی 1358 ی هەتاوی دەگەڵ گرووپی چاووش کەبۆ خۆشی ئەندامێکی ئەو تیپەدەبێت لەبارودۆخێکی زۆر دژواردا دەنگی ئاواز و گۆرانی ڕەسەن بەگوێی جەماوەری هونەردۆس دەگەیینێ. شارام نازری لەساڵی 1357 هەتا 1360 ی هەتاوی چالاکانەئەلبۆمەکانی 2، 3، 4، 7 و 8 بەهاوکاری تیپی چاووش، شەیدا و عارف بەسەرپەرشتی محەمەد ڕەزا لوتفی، حوسێن عەلیزادەو پەروێز مووشکاتیان، ئەلبۆمی مەسنەوی مووسا و شوان بەهاریکاری ژەنیارانی دەزگەی پاراستن و بڵاوکردنەوەی مۆسیقای ڕەسەنی ئێرانی و تیپی مەولانا بەسەرپەرشتی جەلیل عەندەلیبی، ئەلبۆمی پەیڤی عەشق بەهاوکاری گرووپی تەموورەی شەمس و عاشقەکەی وەک من و بەهاریکاری تیپی هونەری عارف بەسەرۆکایەتی پەروێز مووشکاتیان ئامادەدەکات. شارام نازری لەساڵانی 1360 تا 1364 ی هەتاوی، ڕادەی چالاکی هونەری و مۆسیقایی خۆ کەم دەکاتەوەو زێتر ڕوو لەوانەوتنەوەی مۆسیقا و فێرکردنی دەزگاکانی مۆسیقایی بەهۆگرانی دونیای مۆسیقا دەکات.
لەساڵی 1364 ی هەتاوی بەم لاوەدەگەڵ چەندین تیپی مۆسیقای ئێرانی گەلێ بەرهەمی بەپێز پێشکەش دەکات کەئەو بەرهەمانەزێتر ڕوویان لەخانەی مۆسیقای عیرفانی و ڕەسەنی ئێرانییە. لەبەرهەمەشازەکانی ئەو سەردەمەدەکرێ ئاماژەبکەینە: گوڵی سەت چڵ بەهاوکاری مامۆستا جەلال زوولفنوون، ئاوری نێو قامیشەڵان بەهاریکاری دیسان مامۆستا جەلال زوولفنوون، کۆنسێرتی مامۆستایان بەهاوکاری مامۆستا فەرامەرز پایوەر و بێ قەرار بەهاوکاری جەلیل عەندەلیبی.
شارام نازری بەدرێژایی ساڵانی چالاکی خۆ، گەلێ کۆنسێرتی بۆ مۆسیقای ڕەسەنی ئێرانی پێشکەش کردووەو لەسەردانی خۆ بۆ وڵاتانی ئاسیایی و ئەورووپی و ئەمریکا، بەرنامەی هونەری بەڕێوەبردووەو بەشداری گەلێ فێستیڤاڵی جیهانیش بووە. بەم ساڵانەش لەبەر پێشوازی بەرفرەی جەماوەر، سەرباری نەبوونی کەرەستەو ئامێری پێویست و کەند و کۆسپەکانی سەر ڕێی دونیای هونەر بەتایبەت پاش سەرکەوتنی شۆڕش، دەنگی زوڵاڵی خۆی بەگوێی جەماوەر گەیاندووە. بەشداری خۆی و کوڕەکەی بەساڵی 1380ی هەتاوی لەکۆڕەجێژنی مۆسیقای فەجەر، یەک لەگرینگترین ڕووداوەکانی دەورانی ئەو فێستیڤاڵەدێتەئەژمار کەخەڵاتی یەکەمی ئەو کۆڕەجێژنەش بۆ باشترین سترانبێژی مۆسیقای ڕەسەنی ئێرانی بەشارام نازری بەخشرا. ئەو هەروەها خەڵاتی تایبەتی دەستەی داوەرانیشی لەفێستیڤاڵی مێهر بەرکەوت بەڵام دیارەهیچ کامەلەو خەڵاتانەشایانی هونەرمەندێکی پایەبەرزی وەک شارام نازری نەبوونە. لەگرینگترین ئەلبۆم و بەرهەمەهونەرییەکانی شارام نازری دەکرێ ئەمانەنێو بەرین : مەسنەوی مووسا و شوان، پەیڤی عەشق، بەهارانی ئاویەر، شنەی بای بەهار، شێعر و عیرفان(ڕوخسارت وەدەر خە)، یادگاری دۆس، ساقی نامەو سۆفی نامە(سووتەدڵان)، چرپە، هاواری قامیش، پەیڤی نوێ، دیوانی شەمس، گوڵاڵەی بەهار، شۆقی دڵ و گەلێ بەرهەمی دی.
ئاڵبوومەکانی ئەم هونەرمەندە کوردە بریتین لە:
ئالبوومی آواز اساتیر
ئالبوومی آتش در نیستان
ئالبوومی بهاران آبیدر
ئالبوومی بنمای ای ڕوخ
ئالپوومی بشنو از نی
ئالبوومی بیقرار
ئالبوومی چشم بە ڕاە
ئالبوومی کنسرت اساتید موسیقی ایران
ئالبوومی کنسرت دیگر
ئالبوومی کنسرت 77
ئالبوومی در گلستان
ئالبوومی دل شیدا
ئالبوومی غم زیبا
ئالبوومی حیرانی
ئالبوومی کیش مهر
ئالبوومی لالە بهار
ئالبوومی لیلی و مجنون
ئالبوومی لولیان
ئالبوومی مسی و شبان
ئالبوومی مترب مهتاب ڕو
ئالبوومی ناجوا
ئالبوومی سفر بە دیگر سو
ئالبوومی ساقینامە 1
ئالبوومی ساقینامە 2
ئالبوومی ساز نو آوا نو
ئالبوومی صدای سخن عشق
ئالبوومی شورانگیز
ئالبوومی Through Eternity
ئالبوومی سخن تازە کە لەم ئاهەنگانە پێک هاتووە: قرار غم، آواز، سخن تازە، سە گاە، آواز اصفهان، نغمە، بیات اصفهان، شرح جان
ئالبوومی یادگار دوست
ئالبوومی نوروز
ماڵپەڕی ئوستاد شەهرام نازری
http://www.nazerismusic.com/home.asp