شوێنەواری خاتوو سێوە
لە ڕووی جوگرافییەوە ئەم شوێنەوارە دەکەوێتە ناو زنجیرە چیای گوڵێ، لە شارەدێی ئیسێوە، لە ناوچەی پشدەر، لە هەرێمی کوردستان، لەسەر یەکێک لە لوتکە پان و ڕوو تەختەکانی شاخەکەدا کۆڵراوە، شوێنەوارەکە ڕووی گەشی ئافرەتێکی کورد پیشاندەدا کە تاجێکی شاهانەی لەسەردایە، ئاڕاستەی ڕووی لە خۆرهەڵاتە، هەروەها ناوی گوندی ئیسێوە، بۆ ئەو شوێنەوارە دەگەڕیتەوە. وەکوو خەڵکی گوندەکە ئاماژەی بۆ دەکەن، تا ئێستا هچ کنە و پشکنینێک لەسەر ئەم شوێنەوارە ئەنجامنەدراوە. [1]