ساڵا 1927 ل #سلێمانی# ژدایک بوویە، ل ساڵا 1946 دا ل کۆمارا #مەهاباد# پشکداری کرییە و پێشەوا #قازی محەمەد# ناسناڤێ بەختیار پێڕە بەخشییە، ل ساڵا 1957 دا ئەندامێ دەستەیا ڕێڤەبەرایەتیا کۆمەڵەیا هونەرێن جوان یا سلێمانیێ بوویە، نیگار کێشەکێ ڕیالیست و خۆشنڤیسەکێ خودان شیان بوویە، دەستپێکا 1940ێ ڕە دەست ب وێنە کرنێ کرییە، ئەو دبێژیت من د ژیێ 7-8 ساڵیدە حەزا نیگار کێشانێ هەبوویە، ل ساڵا 1975ێ ڕە کوردستان بەرەف وڵاتێ ئەمریکا بجێ هێلایە و لوێرێ سەروکێ کۆمەڵەیا هونەرێن جوانێن کوردی بوویە و ب درێژاهیا ڤی هەیامەی لسەر چالاکییان یێ بەردەوام بوویە، وێنەیێنوی پتتر دیمەنێن سرووشت و ژیانا کوردەواری ب ئالییەکێ سادە بووینە و فۆتۆگرافیا وێنەیان ژی کرییە.
جەمال بەختیار دبێژیت ڕەفیق حیلمی هەمیشە پاڵپشتی من بوویە وپێشانگە ژبوی مە دادنان و (وێنەیەکێ سەڵاحەدین ئەیوبی و پێشەوا قازی محەمەد پێکڕە کربون. بارزانی ب تابلۆیێ ڕە ئەز برمە دەف پێشەوایێ سەروک کومار، ئەویژی گووتە من ساڵا داهاتی، واتە 1947 کۆمەک قوتابیان ئەم دێ ڕەانەی زانینگەها باکۆ بکەین، تو ژی دگەل وانا دا هەرە....)
ئێکەمین هونەرمەندێ کوردە کو تابلۆیێن وی وەکە پۆستەر چاپ بووینە .
- ل تابلۆیێن بەرنیاسێن وی ( کاوەیێ ئاسنگەر، ڕزگاری، شوڕەشا دەرسیم، کچە هەورامی، شوڕەشا کورد، گڵکۆی تازەی لەیل، ڕاپەڕینا 1948 و مەم و زین، کوردستان، جوانیی لادێ، بەرەو ڕووناکی- کارەساتا بۆمبەبارانا باژێڕێ قەڵادزێ، مانگەشەو، بۆردومانا ناوچەیێن ئازاد کری، تابلۆیا کەچا شۆخ و شەنگ یا باژێڕێ سلێمانی - تابلۆیا شیرین تەشی دەڕێسێ .
- ساڵا 1974، کو شوڕەشا کورد دژبەری #حزبا بەعس# یا داگیرکەر سەدت پێکر، ئەو وەکە پێشمەرگەیەکێ هونەرمەند بەرێ خوە کرە چیا .
- ل ساڵا 1975 ێ ڕە تەڤی ماڵباتا خوە، بەرەڤ ئەمریکا کۆچ کرن.
- ل ئەمریکایێ پشکداریا زوربەیا چالاکی یێن هونەریی کو ئێن کوردا بووینە کرییە و دوو جاران تابلۆیێن تایبەتی بەخشینە سەروکێ ئەمریکا.
[1]