کورتە چیرۆک
نڤیسین: مللەت محەمەد
د باژێرەکێ دا، ساکۆیەک و پەنتەرۆنەک ژ بێ کاری ل بەر دیواری د ڕوینشتی بوون، ساکۆ د هزرا دا نوقوم ببوو، د دەمەکێ دا هزرەک بو چێ بوو کو بۆ دەمەکێ ژ باژێری دەربکەڤت و بەرەڤ چیایی بچت، گۆتە پەنتەرۆنی من ببە چیای.پەنتەرۆن ڕابوو ل سەر خوە و ئه و لێ سوار بوو. پشتی گەهشتینە نیڤا چیایی، ل پشت کەڤرەکێ مرۆڤەکێ ڕویس دیت و یێ ب توڕەی ڤە بەرا ژ چیای بەردتە خوارێ. ساکۆی گۆتێ: بۆچی تو یێ توڕەیی.؟ گۆت: جلوبەرگێن من ئەز هێلام و چوو، چونکو بۆ دەمەکێ ئەز مامە د کانیەکێ دا. ساکۆی گۆتێ: خەمگین نەبە، مە بکە بەرخوە. ئەوی پەنتەرۆن کرە بەرخوە و دویڤ دا ساکۆ، لێ ساکۆ بو وی یێ تەنگ بوو ، ب زۆری کرە بەرخوە. ساکۆی گوتێ هێدی تە بن کەفشێ من دڕاند. پشتی قولپک گرتین مەشکا وی دیار دکر. ساکۆی گۆتێ قولپکا ڤەکە هوسا هەناسەیا من کورت بوو. پاشی گۆتێ ناڤێ تە چییە.؟ گۆت: چیایی یە. گۆتێ: دا ژ چیایی بچن خوار لێ پێدڤییە تو د ناڤ باژێری دا ناڤێ خوە ب گوهوڕی و بکیە باژێری. چیایی ڕازی بوو و پێگڤە چوونە دناڤ باژێری دا، دیت باژێر تژیە ژ جلوبەرگێن ڤالا، بۆ جلوبەرگا سەیر بوو پشتی ئه و دیتی، هەمی ژ بو وی چوونە کرنۆشێ. پترییا ساکۆیا ژ پەنتەرۆنێن خوە کەڤتن، دەمێ چووینە کرنۆشێ. چاڤێن چیایی ب هندەک جلوبەرگێن مارکە کەڤتن، ئێکسەر یێن ل بەر خوە ئێخستن و کرنە د زبلدانێ دا و یێن مارکە کرنە بەرخوە، پاشی پلەک ل ساکۆیێ خوە یێ نوی دا و گۆت: ژ ئەڤرۆ پێڤە ئەز باژێریمە یێ کەڤن بت دێ وی دڕینم.[1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (کرمانجی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 494 جار بینراوە
ڕای خۆت دەربارەی ئەم بابەتە بنووسە!