ئاساو بە ئاوی گێڵۆ
گرد کار و هەرمانێ دەسوور و ڕێسا و شێوازی تایبەتو وێش هەنش.
پەنەوازا وەڵێ گرد هەرمانێوەنە ویر جە شێوازو کارەکەی کەرمێوە و بزانمێ چەنی و بە چ جۆرێ کریۆ ئەنجامش دەیمێ تا نەتیجەی خاستەرش بۆ و سوود و قازانجش بۆ پەیما. هەر کارێ کە کریۆ، پەنەوازا وەڵێنە بنەس پەی بەسیۆ تا بزانی چێش کەری و چەنیش کەری. ئاساو ئەگەر ئاویش نەبۆ مەگێڵۆ، یانی هەرمانە مەکەرۆ و گەنمە مەهاڕۆ. هەرمانەکێتەرێچ گرد چامنێنێ، ئەگەر بنەماشا نەبۆ، ئەگەر بەرنامەی تۆکمە نەبۆ پەی ئەنجامدایشا، ئەگەر بەپاو ڕێسا تایبەتەکەو وێشا نەلیشا پەی، ئانە سەرمەگێرا.
ئەگەر گەرەکمانە هەرمانوکارمان ڕێک گنۆ و سەر گێرۆ، لازما وەڵێنە پلانی ڕێکوپێکش پەی بنیەیمێرە و بەرنامەش پەی چنمێ و جە گرد لایەنێرە وێما ئامادە کەرمێ پەیش.[1]
ئەم بابەتە بەزمانی (هەورامی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە 742 جار بینراوە
ڕای خۆت دەربارەی ئەم بابەتە بنووسە!