کویلەی ئازاڎ...
جە بازارو کویلە ۋرەشا، چن بەڼۍ و کویلېشا بە پای زجیرۆ ئاردېبېنۍ، خەڵک و شازاڎۍ و دەسەڵاتدارۍ جە گرڎیاگێوە ئامێبېنۍ پەی تەماشەکەردەی و ئەسایشا.
کویلەکۍ وەرو لیشکەو وەرەتاوی گەرمینە گرد سەرەشا ۋستەبېرە، گرد ماتۍ و خەمبارۍ و هیلاکۍ، دلېشانە تەنیا کویلێوە وەشحاڵ بۍ، زەردەخەنۍ کەرۍ و بریسکەو لچاش ئۍ.
یۊ جە شازادەکا جە کوشکۆ پەی ئەسای کویلا ئامابۍ، گېڵۍ دلېشارە، یاوا سەرو کویلە وەشحاڵەکەی، تەماشەکەرۊن حاڵش نائاساییا، سەرەش سووڕمەن، پەرساش ۋەنە و ماچۊ: ئی حاڵەو تۊ سرووشتی نییەن، چەنی پی حاڵ و وەزعۆ ئەپاسە دڵوەشەنی، هەر نمەرەجیۊ کویلەنی؟.
کویلەی دڵوەش جوابش داوە، ماچۊ: چەنی وەشحاڵ نەبوون، تۊ متاوی دەس و ڤاچم کۊت و بەڼ بکەری، بەڵام ئەچی دنیانە هیچ کەس نمەتاوۊ دڵ و دەروونم زنجیر کەرۊن، ئانەی دلۍ دڵ و دەروونو وېمەرە گوزەرکەرۊن، زادەو ویرو ئەندېشەو وېمەن، من دلۍ دەروونیمەنە ئینانا ئەوپەڕو وەشحاڵی و کەماڵو ئازادینە.
خەلیفە قسەکېش فرە پەنەوەشۍ بېنۍ، زاناش کە ئا کویلە پیێوە بە ویقارو حەکیمێ داناو کەسێ ئاسایی نییەن، دماتەر ئەساشۆو ئازاڎشکەرد و پېسە ڕاوېژکارێ وېش تایېنش کەرد.
ئینسان بە لاشە کویلە نمەبۊن، گەر دڵ و دەروونش ئازادۍ بان، ئانە هیچ هېزێ ئەچی دنیانە نمەتاوۊ کۊیلەش کەرۊن.[1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (هەورامی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە 274 جار بینراوە
ڕای خۆت دەربارەی ئەم بابەتە بنووسە!