#بېسارانی#
یاران ڕای تەواف، یاران ڕای تەواف
ڕۊیێ دڵ کەردش، عەزمی ڕای تەواف
نۊشا جامی عەیش، گېڵا قاف تا قاف
پەی کەعبەی مەقسۇد، ڕەوزەی نۇری ساف
چەند گېڵا وە کۊ، هەر شەو بۍ یاوەر
بارکېشی مەینەت، پڕ جە سەودا سەر
چەند جە کلیسا، چەند جە خانەقاﮪ
چەند جە مەیخانەی مەستانی مەیخاﮪ
وېش موجەڕڕەد کەرد، پەی مەقسۇدی خەیر
تا هەفت تەبەقەی زەمین کەردش سەیر
چەند بە فکر وېنەی هەیئەتی پەروەر
گېڵا هەفت گەردۇن، گەردان سەراسەر
هەرچی مەوجۇد بۍ نە کانی عەدەم
دڵەی مرادجۇ، لێش نېیا قەدەم
[1]