ب دەستووری خودێ
چەند سەبەقێن پیرۆز ژ بەیتا دنێ
دلۆ رابە کو ئێڤارە
دلۆ رابە ڤەکە چاڤە
ب خەوێ را مەبە یارە
ھەی نەزانۆ نەبە خەوارە
***
دلۆ رابە ژ ڤێ خافێ
وەکە باپیر وەکە بابێ
ئەم ژی دێ چنە ناڤ ڤێ ئاخێ
ل با باخویێ وە فروارە
***
ب ئاقلی وەرە جەنگی
تویی مژولی ب ڤی رەنگی
ب ڤێ نەفسێ ھەتا کەنگی
چەندی ئی کالە و نەیی گوھدارە
***
دلۆ چما فکر ژ خۆ ناکەی
تو نەڤێی خۆ ژ خەو راکەی
دێ ئێڤاری چی پەیداکەی
تەنە قولبە و نەرزگارە
***
دلۆ رابە وەھا نابی
ھەتا کەنگی دێ د خەودا بی
ھەتا رۆژ بێت و ئاڤا بی
ھەی مەستۆ ئی خەوارە
***
بێ کەسپۆ ، ئی بەخیلە
چما ئاقلێ تە یی تەقسیرە
تو ئا جوان مە دە ب ئا پیرە
تو دەست ژێ بەردە سەحارە
***
دلۆ ئا پیر ب کێر نایێ
تو مە بە ئۆلداشێ دنیایێ
کلاما خۆش ھەڕۆ نایێ
قووتێ خۆ بکرە ژ زەڤیزایێ
دنیا سووکە و دنیا بازارە
***
دنیا پیرێ بەیابانێ
ئەو خەلکێ مە ھەموو کانێ
ھەمووا خوارن ژ ڤێ خانێ
نە سولتان ما و نە خوندکارە
***
یێ تەمام خودێ یە.[1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (کرمانجی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 600 جار بینراوە
ڕای خۆت دەربارەی ئەم بابەتە بنووسە!