کورد دلۍ چەرخەکا تاریخینە
بەشۍ: نەوەڎ و هەشتەمە
نویستەی: #هاوڕێ باخەوان#
ساڵەو (1614ز): ئەچی ساڵېنە عوسمانییەکۍ فەرمانو خنیکنای (نسوح پاشا)یشا دان، نامبریا وەڵۍ یەرۍ ساڵا چاوەڵی سەرداری هېرشێ گۆرېش کەردەن پەی سەرو کوردی و هەزاران ژەن و زاروڵېش خنیکنێنۍ!
ساڵەو (1621ز): عوسمانییەکۍ دیسان شارو بەغڎایشان داگیرکەردەن، فرەو سوپاکېشان کوردۍ بیېنۍ، هەمدیس بەشێ فرەو سوپاو ئێرانییەکا خېڵو موکری بیېنۍ.
ساڵەو (1624ز): ئەچی ساڵېنە جەنگێ مېیانو تورکەکانە و شا عەباسی سەفەوینە قۊمیان، تورکەکۍ مەڕیێنۍ، ئانەی شایانو باسین ئەچی جەنگەنە هۊکارو سەرکۆتەو ئێرانییەکا یاردیدای کوردە موکرییەکا بېیەن پەی ئێرانییەکا. هەر ئەچی ساڵېنە شا عەباسی سەفەوی خاسسازنیش دلۍ سوپاکېشەنە کەردەن و کوردە موکرییەکېش وستېنۍ دلۍ سوپێکېش. هەر ئەچی ساڵېنە بەشێ فرەو کوردەسانی کۆتەن چېرو دەسا خان ئەحمەڎخانی.
ساڵەو (1626ز): ئەچی شاڵېنە شارو سنەی بە فەرمانو سڵېمان خانو ئەردەڵانی بنیاڎ نریان.
ساڵەو (1627ز): ئەچی ساڵېنە (بەکر بەگی ئەرزی) شاعېر ناوچەو ئامێدینە ئامان دنیاوە.
ساڵەو (1628ز): ئەچی ساڵېنە مەلیک ئەحمەڎ پاشا، والی دیاربەکری هېرشش بەردەن سەرو ئامێدی و یوسف خانش زیڼانی کەردەن، دمای پەنەدای سەرانێ فرەی ئازاڎش کەردەن.[1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (هەورامی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە 844 جار بینراوە
ڕای خۆت دەربارەی ئەم بابەتە بنووسە!