01-02-2020
باکووری کوردستان
- لەیلا ئاشکانلەیلا ئاشکان چالاکوانی بزووتنەوەی ژنانی ئازاد (TJA) بۆ بەشداریکردن لە کۆنفرانسی ژنان لە شاری وانوانەوە دەچوو بۆ ئامەدئامەد، بەڵام هێزە ئەمنییەکانی دەوڵەتی تورک لە ڕێگادا و لە شاری تاتوان دەستگیریان کرد.[1]
رۆژهەڵاتی کوردستان
- بەگوێرەی زانیارییەکانی تۆڕی مافەکانی مرۆڤی کوردستان، پەروین ئەدواییپەروین ئەدوایی چالاکوانی مەدەنیی کورد بەمەبەستی تێپەڕکردنی 2 ساڵ سزای بەندکران بۆ ناوەندی پەروەردە و چاکسازی (بەندیخانەی ژنان)ی سنەسنە ڕەوانەکرا.[1]
- نزیکەی 50 کۆڵبەرکۆڵبەری خەڵکی ڕۆژهەڵاتی کوردستان کە لە شەوی ڕابردووەوە لە بەفر و بۆراندا لە سنووری سەقزسەقز - پێنجوێنپێنجوێن ونببوون، دوانیوەڕۆی ئەمڕۆ جگە لە دوو کەسیان، هەموویان دۆزرانەوە. دوای گەڕان و بەدواداچوون، یەکێک لە کۆڵبەرە بێسەروشوێنبووەکان بەناوی (عوسمان فتوحیعوسمان فتوحی) بە مردوویی دۆزرایەوە. ئەو تەمەنی 55 ساڵە و خەڵکی تازاوای سەقزە. بەڵام هێشتا کۆڵبەرەکەی دیکە چارەنووسی نادیارە.[3]
- هاووڵاتییەکی کورد بە ناوی ئەسکەندەر چراغی کوڕی قادر، خەڵکی بانەبانە و ئەندامی ئەنجومەنی پاژین، لەلایەن هێزە ئیتلاعاتییەکانەوە دەسبەسەر کرا. هێزە ئیتلاعاتییەکان هێرشیان کردووەتە سەر ماڵی ئەو هاووڵاتییە کوردە و پاش دەسبەسەرکردنی، دەستیان بەسەر مۆبایلی خۆی و ژنەکەیدا گرتووە.[8]
باشووری کوردستان
- ئەمشەو لە سنووری ناوچەی داودەی سەر بە شارۆچکەی خورماتووخورماتوو لە نزیک ناڵەشکێنە، دوو برا لەلایەن چەکدارانی داعشداعشەوە ڕفێندران. ڕفێنراوەکان کوردن بە ناوەکانی قانع جەلال عیسا و هێمن جەلال عیسا و لەلایەن چەکدارانی داعشەوە بە ئۆتۆمبێلەکەیانەوە ڕفێنراون.[4]
- ساڵڕۆژی تەقینەوەکانی یەکی شوبات لە هەولێر بەڕێوەچوو.[4]
- وەزارەتی ناوخۆوەزارەتی ناوخۆی هەرێم ڕایدەگەیەنێت: لەپێناو پاراستنی گیانی هاوڵاتیان و ڕێگریکردن لە توشبوون بە ڤایرۆسی کۆڕۆنا، داوا لە هاووڵاتیان دەکەین گەشتەکانیان بۆ وڵاتی چین دوابخەن.[2]
- بەهۆی گومانی نەخۆشییەوە، سێ هاووڵاتی چینی کە لە دوبەیەوە هاتبوون ڕێگەیان پێ نەدراوە لە فڕۆکەخانی هەولێرهەولێرەوە دەربازی نێو هەرێمی کوردستان بن و گەڕێندراونەتەوە.[3]
- دوای ئەوەی بەرەبەیانی ئەمڕۆ بەهۆی بەفربارینەوە گەشتەکانی فڕۆکەخانەی نێودەوڵەتیی سلێمانیسلێمانی ڕاگیران، کاتژمێر 10ی سەرلەبەیانیی گەشتەکان کرانەوە.[2]
- شەوی ڕابردوو بەهۆی بەفربارینی زۆر لە زینی وەرتێوەرتێ و گیرانی ڕێگاکە، چەندین هاووڵاتی لە بەفردا گیریان خواردبوو، تیمەکانی بەرگری شارستانی ڕاپەڕین دوای بەهاناوە چوونیان توانیان بە سەلامەتی دەربازیان بکەن.[5]
- بەهۆی بەفر بارینەوە ئاستەنگی هاتووچۆ لە گوندەکانی دۆڵی جافایەتی لە شارەدێی سورداشسورداش دروست بووە، لەئێستادا تیمەکانی شارەوانی سورداش و سەرگەڵوو و تیمی کۆمپانیای شکار لە هەوڵی پاککردنەوەی ڕێگاکانی سنورەکەدان.[6]
- ڕێکخراوی ژنانی ئازادی کوردستانژنانی ئازادی کوردستان - ڕژاک، وەک هەموو ساڵێک، لە زۆربەی شار و شارۆچکەکانی باشوری کوردستان یادی 14یەمین ساڵڕۆژی شەهیدبوونی لەیلا والی حسێن، ناسراو بە ڤیان جافڤیان جاف، بە دروشمی لە سەر ڕێبازی ڤیانەکان، بۆ گۆڕانکاری و ئازادی تێبکۆشە و گۆشەگیری تێکبشکێنە دەکاتەوە.[7]
- بەهۆی نالەباری کەشوهەواوە بەڕێوەبەرایەتی پەروەردەی سلێمانی پشووی ڕەسمی لەسەرجەم ناوەندەکانی خوێندن ڕاگەیاند.[6]
رۆژئاوای کوردستان
- سوپای داگیرکەری تورک و چەتەکانی گوندەکانی ناوچەی شەهبای عەفرینعەفرین تۆپباران دەکەن، فڕۆکە سیخوڕییەکانیش بەسەر ئاسمانی ناوچەکەدا دەسووڕێنەوە.[7]
دەرەوەی کوردستان
- بۆ ئیدانەکردنی داگیرکەریی دەوڵەتی تورک لە 8 شاری سوید چالاکی ئەنجامدران و کەرتی گەشتیاریی تورک بایکۆتکرا.[1]
- بەرهەم ساڵحبەرهەم ساڵح، سەرۆککۆماری عێراق محەمەد تۆفیق عەللاویی بۆ پۆستی سەرۆکوەزیرانی عێراق ڕاسپارد.[4]
- بەهۆی تەقینەوەی یەکێک لە مینە بەجێماوەکانی شەڕی ئێران- عێراق، لە ناوچەی شووشی ئەهواز، لاوێکی کرماشانکرماشانی بەسەختی بریندار بوو.[8]